MATHAI 18:3 - Mara Bible RV (BSI)

³ ama hnohta, “Hmeiseihta ta ei cha chho ei, nama yzie pananopa ta, hawtizy hawhta nama châ vei khiahta la, vârâh khinarâh a ngia cheita aw veih ei chi.

MATHAI 18:3 ပူးပေါင်းရင်းမြစ်များ

HLAZY 131:2

Hawti a nô sâhpi a pathleih hapa hawhta, Ei hro tha padâh ha na ta, A nô sâhpi a tlaichhai khao leipa hawhta, Ei hro ta hmo rônahpa nata khochhihpazy tlaichhai khao vei.

ISAI 6:10

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ Kei tah mah y,” tah ta.

MATHAI 13:15

Cha phopi palôh cha a kuhchha ha ta, Ama nah ta bie thei thai khao leipa ta, Ama mo ama paso haw. Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, Kei lâ a vaw heih aw ei ta, Ei patlâh ha awpa ei tlai,’ tahpa ta hrohsona bie a reipa kha ama chô liata a vaw tlô hapa a châ.

MATHAI 18:2

Zisu ta hawti pakha aw ta, ama hry liata paduasa ta,

MATHAI 18:4

He hawti hawhta areisipa cha vârâh khinarâh liata a rônah chai aw.

MATHAI 19:14

Zisu ta, “Hawtizy kei lâ pavysa teh u, dytha khah u, vârâh khinarâh cha he hawhpa hawtizy eih châ tlôh ta,” tah ta.

MATHAI 19:23

Zisu ta a pachupazy hnohta, “Hmeiseihta ta ei cha chho ei, chyhsa hneirôhpa châta la, vârâh khinarâh a ngia awpa a ru kaw tlai na.

MATHAI 5:18

Hmeiseihta ta ei cha chho ei, avâ nata alei a lei hlâlei cha, Ryhpa bie liata ropa châsâ chyh chaipa tlyma, achôpa di chaipa tlyma, ato zydua a tlôpaki khai hlâlei cha lei aw vei.

MATHAI 5:20

Ei cha chho ei, nama siana cha ryhpa pachutuhpazy nata Phârisaihzy siana hlâta a sia via vei khiahta cha, vârâh khinarâh a ngia thei aw veih ei chi.

MATHAI 6:16

“Kâhvileipa ta nama y tita, phapakheipazy hawhta thachhâna hmia phaoh khuh vy. Âmo cha kâhvileipa ta ama ypa chyhsazy ta ama pahno thei nawpa ta, thachhâna hmia ama palâsa tyh. Hmeiseihta ta ei cha chho ei, ama lymâ ama hmô haw.

MATHAI 6:2

“Chavâta phahlapazy hmo na pie tita, phapakheipazy ta chyhsa reithaina ama hlao thei nawpa ta, pakhyna ozy liata nata lâlaizy liata ama taopa hawhta, na hmia lâta chiahmie tô laih khah y. Hmeiseihta ta ei cha chho ei, ama lymâ ama hmô haw.

MATHAI 6:5

“Thlah nama chhâ tita, phapakheipazy hawhta tao khuh vy. Âmo cha chyhsa ta ama hmô thei nawpa ta, pakhyna ozy liata nata khiliah suzy liata a duahpa ta thlah ama chhâ tyh. Hmeiseihta ta ei cha chho ei, ama lymâ ama hmô haw.

MÂKA 4:12

Chavâta, “Hmô cha hmô aw ei ta, Pahno thai aw veih ei; Thei cha thei aw ei ta, Ama novâh aw vei; Pahno thai ha ei sala cha, A palie aw ei ta, Ngiahthaipa ama châ ha awpa tlai!” tah ta.

LUKA 13:24

“Chhikao buahpa liata a ngia a chhuah lylia teh u. Ei cha chho ei, chyhsa hluhpi ta a ngia a chhuah aw ei ta, a ngia thei aw veih ei.

LUKA 22:32

Châhrasala nâ ngiapâna a lei lei nawpa ta thlah ei cha chhâpa. Na vaw kua heih tita, na unawhzy thapatlô mah y,” tah ta.

ZAWHÂNA 1:51

Chatawhcha a hnohta, “Hmeiseihta ta ei cha chho ei, avâ a pahypa hmô aw ei chi ta, Chyhsa Sawchapawpa chô liata Khazohpa vâlyuhchâpazy ama za chôpa nata ama kiapa nama hmô aw,” tah ta.

ZAWHÂNA 3:3

Zisu ta a chhy ta, a hnohta, “Hmeiseihta ta, hmeiseihta ta ei cha chho, ahy rai chô lâ tawhta a pihpathi leipa khiahta la, Khazohpa khinarâh a ngia thei aw vei,” tah ta.

ZAWHÂNA 3:5

Zisu ta a chhy ta, “Hmeiseihta ta, hmeiseihta ta ei cha chho, ahy rai ti nata Thlahpa ta a pih leipa khiahta la, Khazohpa khinarâh a ngia thei aw vei.

HMOTAOPAZY 14:22

Riethei hluhpi taopa ta Khazohpa khinarâh eimâ ngia awpa a châ, tahpa ta pachupazy palôh pa-ipa ta, ngiapâna liata y thlâh ha awpa ta thapatlô ei ta.

HMOTAOPAZY 28:27

Cha phopi palôh cha a kuhchha ha ta, Ama nah ta phiephuh dei thei ta, Ama mozy ama paso haw; Chata châ vei sala cha, Ama mo ta hmôpa ta, Ama nah ta thei aw ei ta, Ama palôh ta pahnopa ta, A vaw lie aw ei ta, Ei patlâh ha awpa ei tlai,’ tahpa ta a reipa kha â vaw do ngaita na.

HMOTAOPAZY 3:19

Chavâta ro u la, ano lâ kua teh u, nama moleinazy pahleipa a châ aw.

1 KAWRINI 14:20

Unawh saih u, hawti palôh phaoh khah u. Moleina kyh liata cha hawsaih hawhta châ u la, palôh lâta deikua cha pitlohpa ta y teh u.

1 PITY 2:2

Hawsaih pih thiehpazy hawhta, thlahpa sâhpiti patapa vâ u la, chatanachata nama pachhana liata nama laiseih lymâ aw.

2 PITY 1:11

Chatanachata eima Beipa nata Pachhatuhpa Zisu Krista chhâzaw khinarâh liata a ngia theina cha, pasai ngaitapa ta piepa nama châ aw.