MATHAI 18:28 - Mara Bible RV (BSI)

²⁸ Cha chakaotuhpa cha pua ta, a chakaolâhpa pakha, ano liata dinâri za kha a bâhpa hmô ta, patu ta, a rao rie ta, a hnohta, ‘Na leibâh kha na thô teh,’ tah ta.

MATHAI 18:28 ပူးပေါင်းရင်းမြစ်များ

NEHEMIAH 10:31

He râh liata a pahrâ phopi hropazy ta Pahânoh ta hmobaoh nata sâh zy vaw phaoh ei sala, ama zuah khiahta cha, Pahânoh liata tlyma, noh pathaihpa noh liata tlyma cha, âmo tawhta chalei aw ma pi. Kô sarina liata cha, lyu liata chi cheih leipa aw pi ta, leih miah a bâhpazy eimâ ngiahthai khai aw.

NEHEMIAH 5:7

Kei nata kei ta a chhohia na ta, nôpawpazy nata ryureituhpazy maochhie ei na ta, ama hnohta, “Nama unawhzy tawhta apôhna la ei chi ta,” tah na ta, ama thâtih pachâ awpa ta zawpi awpakhy na ta,

BIESOZY 28:3

Dyhchhiepa ta dyhchhie hropa a tlybai pachhuah heihpa cha, Vâsua ta nie awpa rai pahlôh leipa ta, Chichei a phy pathlah khai hapa hawhta a châ.

ISAI 58:3

‘Kâhvileipa ta y pi ta, Khazia na hmô khoh vei? Keimosasyh ta a panawh pi ta, Khazia na pahno khoh vei?’ ama tah. Pachâ teh u, kâhvileipa ta y tlai ei chi ta, Châhrasala nâmo pha nawpa ta nama tao; Nama rai hriatuhpazy nama tlybai pyly.

EZEKIA 45:9

“Abeipa Zehôvâh ta hetana heta a tah: Hy Izarei beizy saih u, a daih bâ se! Atudaina nata tlybaina bâhsai u la, ryureina dopa ta ryureih teh u. Siana ta hmo tao u la, ei phopi ama râh tawhta nama papua tyhpa bâhsai teh u, Abeipa Zehôvâh ta a tah.

MATHAI 18:27

A zibeipa ta ngiachhie ngaita ta, chakaotuhpa cha pathlie ta, a leibâh cha a ngiahthai ha ta.

MATHAI 18:29

A chakaolâhpa cha a pakhu paneih ta, a hnohta, ‘Zawh rie nâ ngiah chy mah y, a zydua ta ei cha thô khai aw,’ tahpa ta a haw ta.

MATHAI 20:2

Noh kha ta dinâri miakha hlao awpa ta, hriatuhpazy nata amâ paryh khai tawhta, âmo cha kre sadô lâ pasiesa ta.

MÂKA 14:5

He sathaw he dinâri za thôh hlâta hluh via ta zuah theipa châ ta, cha cha dyhchhiepazy piepa châ sala, a pha via awpa tlai,” tah ei ta. Chavâta chanô cha thata reipachhie ei ta.

MÂKA 6:37

Zisu ta ama hnohta, “Nâmo ta nie awpa pie teh u,” tah ta. Âmo ta a hnohta, “Dinâri za no mâ ta viahchhâ kei chalei sih la ma, nie awpa cha âmo eima pie aw?” tah ei ta.

LUKA 10:35

A mylâ ta dinâri miano pachhi ta, khichhai riebu vaituhpa hnohta pie ta, a hnohta, ‘Vaw mohôh la, he hleikhô ta na hryuhnazy cha, ei vy heih tita ei cha thô aw,’ tah ta.

LUKA 7:41

Zisu ta, “Tâkâ dyu a pacheisatuhpa pakha liata chyhsa pano ta leibâh hnei ei ta. Pakha ta dinâri za pangawh a bâh ta, ahropa ta sypangawh a bâh ta.

ZAWHÂNA 6:7

Phili ta a chhy ta, “Chyhsa to ta a chyhta sai ama to awpa châta chhao, tâkâ dinâri za no mâ viahchhâ ta a daih aw vei,” tah ta.

RYHPACHANEINA 15:2

He he dyuchei ngiahthaina ryhpa a châ: Dyu pacheisatuhpa maihta a vaih dyuchei â ngiahthai awpa a châ. Abeipa ngiahthaina phuahpa a châ hapa vâta, a vaih nata a unawhpa dyuchei a hiah awpa châ vei.