MATHAI 18:22 - Mara Bible RV (BSI)

²² Zisu ta a hnohta, “Ei sari taih cha tah va na, ei sari su sysari taih tlao ei cha tah.

MATHAI 18:22 ပူးပေါင်းရင်းမြစ်များ

ÂTHAONA 4:24

Kainâ phuh a lie sari ta lapa a châ khiahta cha, Lâmeka phuh cha a lie sysari nata ei sari ta lapa a châ aw,” tah ta.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

MIKÂ 7:19

Zawh miah a ngiah heih aw ta, Eima moleinazy phei ta a tlypâ aw. Eima moleina zydua cha, Tilaipi ry lâ na thy ha aw.

MATHAI 18:23

“Chavâta vârâh khinarâh cha abei ta a chakaotuhpazy liata a sôh kyh pasia â chhuahpa nata pakho theipa a châ.

MÂKA 11:25

Thlahchhâpa ta namâ duana maihta, chyhsa chô liata kheihawhpa biepeipa nama hneipa maih a ngiahthai ha muh vy. Chatanachata nama Paw vârâh liata a ypa chhao ta nama paraonazy a châ ngiahthai aw ei.

RAWMA 12:21

Moleina a patiahsa leipa la, phana ta moleina cha tlao tiah mah y.

EPHESI 4:26

Nama hiehâh sala, molei deikua molei khuh vy. Nama hiehâhna cha noh ta tlakhei leipa sala,

EPHESI 4:31

Ruchhôna, pathiiana, hiehâhna, paphôhna nata reipachhiena zydua nâmo tawhta thy khai teh u.

KAOLAOSÂ 3:13

A chhyh thai raihrie u la, nama likah liata biepeipa a y khiahta cha, a ngiahthai raihrie teh u. Abeipa ta a châ ngiahthai hapa hawh ei ta, nâmo chhao namâ ngiahthai hra awpa a châ.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.