MATHAI 18:17 - Mara Bible RV (BSI)

¹⁷ Âmo chhao cha a nathlie khoh vei khiahta cha, Awnanopa chho mah y. Awnanopa chhao taihta a nathlie khoh vei khiahta cha, ano cha na châta Zenitai nata chhiekheituhpa hawhta pachâ mah y.

MATHAI 18:17 ပူးပေါင်းရင်းမြစ်များ

EZRÂ 6:21

Atheihna sa cha seichâna tawhta a vaw kuapa Izarei sawzy ta nie ei ta, Izarei râh liata a vaw pahrâpa phopizy pathaih leina tawhta a pananopa ta Abeipa Izarei Khazohpa a chhy awpa ta âmo a pazaopa maihta nie hra ei ta.

EZEKIA 11:12

Abeipa ei châ tahpa nama pahno aw. Ei bieraopazy a chhih leipa ei chi ta, ei ryhpazy a chhi hra veih ei chi. Nama chheipâh liata phopizy ryhpa hawhta tlao nama y haw,” tah ta.

MATHAI 10:3

Phili nata Bâthawlawmu; Thawma nata chhiekheituhpa Mathai; Alphu sawchapawpa Zâmie nata Thâdia;

MATHAI 11:19

Chyhsa Sawchapawpa a vy ta, nie ta, doh ta, ‘Moh tua u, azohpa nata kresawhti parâpa, chhiekheituhpazy nata moleipazy viasa huh!’ tah heih ei ta. Châhrasala sona cha a hmotaopazy tawhta â dozie â lâ tyh,” tah ta.

MATHAI 5:46

Kyh châ pachâtuhpazy deita kyh nama pachâ khiahta cha, khâpa lymâ nama hmô aw? Chhiekheituhpazy chhao ta cha hawhpa cha tao thlâh ha veih ei ma?

MATHAI 6:7

“Thlah nama chhâ tita, Zenitaizy taozie hawhta, hraoleipa biezy reih chanei ngâ thlâh ha khuh vy. Zenitaizy ta bie hluhpi ama reipa vâta ama thlahchhâpa nathliepa awpa hawhta ama pachâ.

LUKA 15:1

Chhiekheituhpazy nata moleipazy ta a bie thei awpa ta a kiapâh lâ vaw pangai ei ta.

LUKA 18:11

Phârisaih cha a duah ta, he hawhta thlah a chhâ: ‘Khazohpa y, mohropazy hawhta avyuhpa, chyhsa doleipa nata apheipa châ leipa na ta, he chhiekheituhpa hawhna chhao heta ei châ leipa vâta alyna bie ei cha hlâ.

1 KAWRINI 5:9

Ei châpaphaopa liana khata apatlana moleina a taopazy a pahlao lei awpa ta ei roh haw.

1 KAWRINI 6:1

Nama hry liata ahy tlyma, â ngiapâlâhpa chô liata biepeipa hnei sala, mopathaihpazy hmiakô liata tlôkhei leipa ta, kheihtazie ta ngiapâleipazy ryureina liata a tlôkhei ngâh?

2 THYSALAWNIKA 3:6

Unawh saih u, keimo tawhta pachuna bie nama daopa hawhta y leipa ta, thathipa ta a ypa unawh tawhta a panano awpa ta eima Beipa Zisu Krista moh ta bie eima cha pie.

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

ZAWSUA 22:15

Rubena pathlazy, Kâdâ pathlazy nata Manase chi khophiezy yna Kilia râh lâ cha sie ei ta, ama hnohta,