MATHAI 18:16 - Mara Bible RV (BSI)

¹⁶ A cha nathlie vei khiahta cha, bie to pahnotuhpa pano tlyma, pathôh tlyma pakah liata pa-ipa ta a y thei nawpa ta, chyhsa hropa pakha tlyma, pano tlyma, na hnohta a chhi mah y.

MATHAI 18:16 ပူးပေါင်းရင်းမြစ်များ

1 ABEIZY 21:13

Ano dady ta chyhsa dyutlai leipa pano a vaw tyuh ei ta. Dyutlai leipa pano ta zawpi hmiakô liata Nâbô cha vaw leih ei ta, “Nâbô heta Khazohpa nata abei chô liata chhie a sa,” tah ei ta. Chatanachata khihpi khôtho lâ puakhei ei ta, alô ta vawh ei ta, thi ha ta.

MALUHREINA 35:30

Chyhsa ta chyhsa a thie khiahta cha, pahnotuhpazy pakah tawhta bie a puapa ta thie awpa a châ. Châhrasala pahnotuhpa pakha bie dei ta chyhsa ahy hmah thie awpa châ vei.

ZAWHÂNA 8:17

Nama ryhpa liata chhao, chyhsa pano ta pahnokheipa cha biedopa ta pachâpa a châ.

2 KAWRINI 13:1

He he nâmo lâ ei vy ei thôhna awpa a châ. Leihna biezy cha pahnokheituhpa pano tlyma, pathôh tlyma bie ta pa-i awpa a châ.

RYHPACHANEINA 17:6

Thie awpa cha, pahnokheituhpa pano tlyma, pathôh tlyma pahnokheina bie ta thie awpa a châ. Pahnokheituhpa pakha bie ta thie awpa châ vei.

RYHPACHANEINA 19:15

“Ryhpa paraopa vâta tlyma, kheihawhpa hmo paraopa vâta tlyma leihpa chyhsa cha, pahnokheituhpa pakha bie ta thailei pachâsa awpa châ vei. Pahnokheituhpa pano bie ta tlyma, pahnokheituhpa pathôh bie ta tlyma pa-i awpa a châ.

1 TIMAWTHY 5:19

Awnanopa chhituhpa leihna cha, pahnotuhpa pano tlyma, pathôh tlyma ama y leipa khiahta cha, nâ pyh awpa châ vei.

HEBRAI 10:28

Mawsi ryhpa a papeisa leipazy cha, pahnokheituhpa pano tlyma, pathôh tlyma bie ta, zawngiahna a hlao leipa ta ama thi tyh.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.