MATHAI 18:15 - Mara Bible RV (BSI)

¹⁵ “Na unawhpa ta na chô liata hmo a parao khiahta cha, ano lâ charei la, ano nata nâma deita pahnopa ta â do leina cha chho mah y. A cha nathlie khiahta cha, na unawhpa cha na pahnie hapa a châ.

MATHAI 18:15 ပူးပေါင်းရင်းမြစ်များ

HLAZY 141:5

Mosiapa ta cha na tu mawh sy, Cha cha eina khokheipa vâta a châ; Na chhorei mawh sy, Ei luh châta sathaw châ ta, Ei luh ta dytha khah sy. Chatanachôta hmo moleipa ama taopazy a dyuh na ta, Thlah ei chhâ lymâ.

BIESOZY 11:30

Mosiapa thei cha hrona tho châ ta, Chyhsa hro a pahnietuhpa cha asopa a châ.

THEIHTHAINA 19:17

“Na palôh ta na unawhpa nâ hao awpa châ leipa ta, a thaileichâna liata nâ hlao hra lei nawpa ta, na vaih cha na chhorei awpa a châ.

MATHAI 18:14

Cha hawhna hra chata, he hawtitazy hry liata pakha leidia awpa chhao he, nama Paw vârâh liata a ypa khozie châ vei.

MATHAI 18:21

Pity cha Zisu lâ a vy ta, a hnohta, “Abeipa, ei unawhpa ta ei chô liata hmoparao ngâ thlâh ha sala, ei khazie taih ei ngiahthai aw? Ei sari taih ma?” tah ta.

MATHAI 18:35

Palôh hmeiseihpa ta nama unawhzy namâ ngiahthai vei khiahta cha, ei Paw vârâh liatapa ta, cha hawhna chata nama zydua chô liata a tao aw,” tah ta.

RAWMA 12:21

Moleina a patiahsa leipa la, phana ta moleina cha tlao tiah mah y.

1 KAWRINI 8:12

Cha hawhta unawhzy chô liata molei ei chi ta, ama chhie nata pha pahnona chiehlei nota hmah nama paphao lao heihpa cha, Krista chô liata hmo a paraopa nama châ.

2 KAWRINI 7:12

Chavâta nama hnohta châpaphaopa vaw roh hraw sah la, moleina hmo a taotuhpa vâta roh leipa na ta, moleina pasa a taotuhpa vâta roh hra va na. Keimo châta phahnai namâ ngiahzie Khazohpa mohmô ta nama hnohta palâsapa ta a y thei nawpa ta ei roh.

KALATIA 6:1

Unawh saih u, chyhsa ta moleina a tao hai nota pachhaipa a châ khiahta cha, nâmo, thlahpa chyhsazy ta nônai kawpa ta paduapathi heih teh u. A vaih teh u, chataleipatala nâmo chhao reipasaopa ta nama y pathlei aw.

KAOLAOSÂ 3:13

A chhyh thai raihrie u la, nama likah liata biepeipa a y khiahta cha, a ngiahthai raihrie teh u. Abeipa ta a châ ngiahthai hapa hawh ei ta, nâmo chhao namâ ngiahthai hra awpa a châ.

1 THYSALAWNIKA 4:6

He kyh liata ahy hmah a unawhpa chô liata moleipa ta hmopha leipa a tao awpa châ vei. Cha chho chhielie ha pi ta, a phapa ta zikyu eima châ râ hapa hawhta, Abeipa cha, cha hawhpa hmo a taotuhpa zydua chô liata phuh latuhpa a châ.

2 THYSALAWNIKA 3:15

Khakhaipa hawhta deikua moh leipa u la, unawh hawhta zikyu a râ muh vy.

TITU 3:10

Achhaihna a papuatuhpa cha, ei kha ei no zikyu a râ la, a ro khoh vei khiahta cha, ano nata azaona khâpa hmah hnei khao khah y.

1 PITY 3:1

Cha hawhna chata nâmo, lapinô saih u, nama vahpazy rei a ngiah teh u. Chatanachata Khazohpa bie a zyh leipa vahpazy ama y khiahta cha, bie ta chho cheingei hlei leipa chhao ta, ama lapinôzy hrozie ta pahniepa ta ama y thei aw.