MATHAI 17:6 - Mara Bible RV (BSI)

⁶ Cha bie cha pachupazy ta ama thei nahta, â khu lâta pao ei ta, chi ngaita ei ta.

MATHAI 17:6 ပူးပေါင်းရင်းမြစ်များ

1 THÂTIHZYRONA 21:16

Dâvi cha mohmia pasaih ta, alei nata avâ likawh liata â duah thlâh hapa Abeipa vâlyuhchâpa hmô ta. A ku liata zaozi â chabapa cha Zerusale chô liata pazawh ta. Dâvi nata machâzy cha latho poh a bupa ta alei liata â khu lâta pao ei ta.

EZEKIA 3:23

Chatanachata thyu na ta, saikao by lâ cha sie na ta. Cha liata Abeipa rônahna a vaw duah thlâh hapa hmô na ta. Khebâ chavah kiah liata rônahna ei hmôpa hawhpa kha a châ. Chatawhcha â khu lâta pao na ta.

EZEKIA 43:3

Aluahna ei hmôpa cha, khihpi parao awpa ta â vy nota ei hmôpa aluahna nah khata miakhapa châ ta, Khebâ chavah kiah liata aluahna ei hmôpa nah khata miakhapa a châ. Chatawhcha â khu lâta pao na ta.

DÂNIAH 8:17

Chatanachata Kabriel cha ei duana kiapâh lâ a vy ta. Â vy nahta, chi ngaita na ta, ei hmia alei lâ a khupa ta pao na ta. Ano ta ei hnohta, “Hy chyhsa sawchapawpa y, aluahna he daihti chhâna kyh a châ tahpa pahno mah y,” tah ta.

THEIHTHAINA 9:24

Abeipa tawhta mei vaw pua ta, maisâh liata raopa hlâna nata thawzy cha vaw kâ ta. Cha cha zawpi zydua ta ama hmô nahta, thata awh ei ta, â khu lâta pao ei ta.

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MATHAI 17:7

Zisu a vy ta âmo cha hria ta, ama hnohta, “Thyu teh u, chi khuh vy,” tah ta.

HMOTAOPAZY 22:7

Alei liata pao na ta, ei hnohta, ‘Sawla, Sawla khazia eina taola chi?’ tahpa ao thei na ta.

HMOTAOPAZY 26:14

Eima zydua ta alei liata pao pi ta, Hebrai reih ta, ‘Sawla, Sawla, khazia eina taola chi? Chôchahrei pazaopa chapiepa cha na châta a pasa kaw mâh tâh,’ eina tahpa ao thei na ta.

2 PITY 1:18

a hnohta tlâh pathaihpa liata y pi ta, avâ tawhta a zâ puapa ao cha keimo tlai ta eima thei.

RYUREITUHPAZY 13:20

Maisâh tawhta meipaleih avâ la a kia ngâ nota, Abeipa vâlyuhchâpa cha maisâh meipaleih hry liata avâ lâ kiah ta. Manôah nata a lapinô ta moh thlâh ha ei ta, alei liata âkhu lâta pao ei ta.

RYUREITUHPAZY 13:22

Manôah ta a lapinô hnohta, “Khazohpa hmô ha pi ta, eima thi tlai aw,” tah ta.