MATHAI 17:23 - Mara Bible RV (BSI)

²³ Thie aw ei ta, noh thôh noh ta pathyupa ta a y aw,” tah ta. Chavâta pachupazy cha ama pachârôh ngaita ta.

MATHAI 17:23 ပူးပေါင်းရင်းမြစ်များ

HLAZY 16:10

Athihkhih liata ei thlahpa siesai leipa aw chi ta, Na Mo Pathaihpa thuzao awpa pasaih aw va chi.

HLAZY 22:15

Ei thatlôna beihkao hawhta hi karâpa ta, Ei paleih ei dâh lâta a bai ta, Thina dohlei liata eina soh chi.

ISAI 53:7

Ano cha tlybaipa ta y ta, Châhrasala anosasyh ta a panawh ta, A pakah â vei. Mietakutaw thie awpa amâ chhipa  chalih thlâh hapa hawhta, Ano chhao â chalih thlâh haw; Mietaku hmi ngyutuhpa hmiakô liata, Mietaku â chalih thlâh hapa hawhta, Ano chhao â chalih thlâh haw; A pakah â vei.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

MATHAI 16:21

Cha rakha tawhta cha Zisu ta a pachupazy hnohta Zerusale lâ a khy awpa nata machâzy, theihthai beizy nata ryhpa pachutuhpazy ta pasa thata ama pataosa awpa kyh nata, ama thie awpa nata noh thôh noh ta pathyupa ta a y awpa kyh zy reih pathao ta.

MATHAI 17:9

Tlâh tawhta ama za chô hai nota, Zisu ta ama hnohta, “Chyhsa Sawchapawpa he athihpazy hry tawhta a thyu heih hlâlei cha, aluahna nama hmôpa kha ahy hmah chho khuh vy,” tahpa ta biepie ta.

MATHAI 20:19

Pasipasawh awpa nata chhei awpa nata khaipâ awpa ta Zenitaizy ku liata hlâpa châ aw ta, a noh thôhna noh ta pathyupa ta a y aw,” tah ta.

MATHAI 27:63

a hnohta, “Pâpuh, kha dôtuhpa khata a hro nota, ‘Noh thôh khai tawhta ei thyu heih aw,’ a tahpa eimâ thei thlâh haw.

MÂKA 8:31

Zisu ta chyhsa Sawchapawpa cha hmo hluhpi pasa a tao awpa châ ta, machâzy, theihthai beizy nata ryhpa pachutuhpazy ta khoh leipa aw ei ta, thie aw ei ta, noh thôh khai tawhta a thyu heih awpa kyh a pachupazy pachu pathao ta.

MÂKA 9:30

Cha su tawhta pua ei ta, Kâlili râh chapiapa ta sie ei ta. Ahy hmahta a sievawna ama pahno awpa khoh leipa ta.

ZAWHÂNA 16:6

He biezy he nama hnohta ei reipa vâta, nama pathipalôh cha pachârôhna ta a bie.

ZAWHÂNA 2:19

Zisu ta âmo cha a chhy ta, “He o he phie u la, noh thôh chhôh ta ei padua heih aw,” tah ta.