MATHAI 17:20 - Mara Bible RV (BSI)

²⁰ Zisu ta ama hnohta, “Namâ ngiapâna a chyhpa vâta a châ. Hmeiseihta ta ei cha chho ei, âhrâ chi hmô kha tie chhâ ta ngiapâna nama hnei khiahta la, he tlâh hnohna heta, ‘He tawhta hao lâ a pasie teh,’ tah u la, â pasie thlâh ha aw. Nama châta tao thei leipa khâpa hmah y aw vei.

MATHAI 17:20 ပူးပေါင်းရင်းမြစ်များ

MATHAI 13:31

Zisu ta pakhona bie hropa ama hnohta reih heih ta. “Vârâh khinarâh cha chyhsa ta âhrâ chi hmô kha lyu liata a pariepa hawhta a châ.

MATHAI 14:29

Zisu ta, “A vy châh chi,” tah ta. Pity cha balyh tawhta thlai pua ta, Zisu lâ pangaipa ta ti chô liata sie ta.

MATHAI 17:17

Zisu ta a chhy ta, ama hnohta, “Hy ngiapâleipa nata chhorupa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

MATHAI 17:19

Pachupazy cha âmo dei ta Zisu lâ a vy ei ta, a hnohta, “Khazia keimo ta thlahpa puapa eima papua thei vei?” tah ei ta.

MATHAI 17:9

Tlâh tawhta ama za chô hai nota, Zisu ta ama hnohta, “Chyhsa Sawchapawpa he athihpazy hry tawhta a thyu heih hlâlei cha, aluahna nama hmôpa kha ahy hmah chho khuh vy,” tahpa ta biepie ta.

MATHAI 21:21

Zisu ta a chhy ta, “Hmeiseihta ta ei cha chho ei, a lôh leina hnei leipa ta namâ ngiapâ khiahta la, theiku kô chô liata taopa he nama tao thei hrapa dei châ leipa ta, he tlâh hnohna chhao heta, ‘A pasie la, tilaipi liata a thy teh,’ nama tah khiahta cha, nama reipa hawhta a y aw.

MATHAI 8:26

Zisu ta ama hnohta, “Ngiapâna chyhpa saih u, khazia nama chi?” tah ta. Thyu ta thlihzy nata tichatlaopa cha ra ta, sidia ha ta.

MÂKA 11:22

Zisu ta ama hnohta, “Khazohpa a ngiapâ teh u.

MÂKA 11:23

Hmeiseihta ta ei cha chho ei, ahy rai he tlâh hnohna heta, ‘A pasie la, tilaipi liata a kei thy teh,’ tah sala, a palôh liata a lôh leina hnei leipa ta, a bie reipa cha a vaw tlô aw tahpa â ngiapâ khiahta cha, a châta taopa a châ aw.

MÂKA 4:31

Khazohpa khinarâh cha âhrâ chi hmô kha alei liata pariepa hawhta a châ. Alei liata chi zydua hlâta chi chyh chaipa châ ta,

MÂKA 9:23

Zisu ta a hnohta, “‘Na tao thei khiahta la,’ na tah ma! Ngiapâtuhpa châta cha, ato tao theipa a châ,” tah ta.

LUKA 1:37

Khazohpa châta tao thei leipa hmo y vei,” tah ta.

LUKA 17:6

Abeipa ta, “Âhrâ chi hmô kha tie chhâ ta ngiapâna a hneipa châ u la, he malburi kô hnohna heta, ‘A phia la, tilaipi liata a bô teh,’ tah aw ei chi ta, nama rei â ngiah aw.

LUKA 18:27

Zisu ta, “Chyhsapa tao thei leipa he Khazohpa châta cha tao theipa a châ,” tah ta.

ZAWHÂNA 11:40

Zisu ta a hnohta, “Nâ ngiapâ khiahta la, Khazohpa rônahna na hmô aw, cha tah va na ma?” tah ta.

1 KAWRINI 12:9

Mohropa hnohta Thlahpa lia lilaw ta ngiapâna piepa châ ta, ahropa hnohta, cha Thlahpa lilaw ta patlâh theina piepa a châ.

1 KAWRINI 13:2

Hrohsona hmopiepa hneipa ta, bienyupa zydua nata pahnona zydua hnei khai hraw sah la, tlâhzy pasie theina taihta ngiapâna pakipa hnei hraw sah la, kyhpachâna ei hnei tlôh leipa khiahta la, khâpa hmah châ va na.

HEBRAI 3:19

Amâ ngiapâleipa vâta a ngia thei khao veih ei tahpa eima pahno.