MATHAI 16:28 - Mara Bible RV (BSI)

²⁸ Hmeiseihta ta ei cha chho ei, he liata a duahpazy hry liana heta, Chyhsa Sawchapawpa he a khinarâh liata â zupa ama hmô hlâlei cha, thina a padi lei awpa ama y,” tah ta.

MATHAI 16:28 ပူးပေါင်းရင်းမြစ်များ

MATHAI 10:23

Khihpi miakha liata ama cha taola tita, khihpi hropa lâ a râ teh u. Hmeiseihta ta ei cha chho ei, Chyhsa Sawchapawpa â vy hlâta Izarei khihpi zydua chahryh khai hmâ aw veih ei chi.

MATHAI 16:13

Zisu cha Philipi Kaisaria bia a vaw tlô nahta, a pachupazy hnohta, “Chyhsazy ta Chyhsa Sawchapawpa he ahy na a châ ama tah?” tahpa ta hiahri ta.

MATHAI 24:3

Zisu Ôli tlâh liata â tyu thlâh ha nota, pachupazy âmo dei ta ano lâ a vy ei ta, “Miah chho teh, he hmozy he khati ta ma vaw tlô aw ta, nâ vy heihna nata daihti chhâna cha khati ta a châ aw?” tah ei ta.

MATHAI 24:34

Hmeiseihta ta ei cha chho ei, cha zydua a tlô paki khai hlâlei cha, he chhâ he lei aw vei.

MATHAI 24:42

Khâpa nota ma nama Beipa cha â vy aw tahpa nama pahno leipa vâta, a hrohruapa ta y teh u.

MATHAI 26:64

Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MATHAI 8:20

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha luh nyu nawpa su chhao hnei vei,” tah ta.

MÂKA 13:26

Chatawhcha Chyhsa Sawchapawpa cha hmotaotheina nata rônah ngaitapa ta meihdo hry liata â zupa ama hmô aw.

MÂKA 8:38

Ahy rai, he apheihmâhpa nata moleipa chhâ liana heta, kei nata ei biezy a zakheipa maih cha, Paw rônahna nata vâlyuhchâpa pathaihpazy chhaota Chyhsa Sawchapawpa â zu tita, ano cha a zakhei hra aw,” tah ta.

MÂKA 9:1

Zisu ta ama hnohta, “Hmeiseihta ta ei cha chho ei, he a duahpa sahlaozy hry liata, Khazohpa khinarâh hmotaotheina chhaota a vaw tlôpa ama hmô hlâlei cha, thina a padi lei awpa ama y,” tah ta.

LUKA 18:8

Ei cha chho ei, ama châta hmo dopa thlai a taopa aw ei. Anodeikua cha Chyhsa Sawchapawpa â vy tita, khizaw liana he ngiapâna a vaw hmô aw tly ma?” tah ta.

LUKA 2:26

Abeipa bietaipa Krista a hmô hlâta cha thina a hmô lei awpa kyh Thlahpa Pathaihpa ta vaw pahnosa ha ta.

LUKA 9:27

Hmeiseihta ta ei cha chho ei, he liata a duahpa sahlao thokhazy he, Khazohpa khinarâh ama hmô hlâlei cha thina a padi lei awpa ama y,” tah ta.

ZAWHÂNA 21:22

Zisu ta a hnohta, “Ano cha ei vy heihna taihta hroh awpa ta a khohpa rai châ aw sah la, cha cha na pachâ awpa a châ ma? Nâ cha na zi thlâh ha teh!” tah ta.

ZAWHÂNA 8:51

Hmeiseihta ta, hmeiseihta ta ei cha chho ei, chyhsa ta ei bie a zyh khiahta cha, thina hmia hmô beih aw vei,” tah ta.

ZAWHÂNA 8:52

Zuzy ta a hnohta, “Ahripa na châ tahpa tahmâ eima pahno haw. Abarahâ thi ta, hrohsopazy chhao thi ei ta, nâ deikua cha, ‘Chyhsa ta ei bie a zyh khiahta cha, thina padi beih aw vei,’ tah tlôh chi ta.

HMOTAOPAZY 1:11

Cha chyhsazy chata, “Kâlili mo saih u, khazia vârâh lâ mopa ta namâ duah thlâh haw? Zisu, nâmo tawhta vârâh lâ a chhipa ta a ypa kha, vârâh lâ a kiapa nama hmôpa hawhna heta â vy heih aw,” tah ei ta.

1 KAWRINI 15:23

Châhrasala ama daihti chyu liata a châ aw. Krista cha thyuheihna hmia a sahtuhpa châ ta, â vy heihna liata Krista eihzy pathyupa ama châ aw.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

HEBRAI 2:9

Châhrasala bohpi leipa chhôh vâlyuhchâpazy hlâta a hnai viapa ta tao chypa Zisu cha, thina pasa a taopa vâta, tahmâ cha rônahna nata palyupalihna lakho pakhopa ta a ypa hmô pi ta, Khazohpa ngiachhiena zawhzi ta chyhsa to châta thina a padi haw.

ZÂMIE 5:7

Chavâta unawh saih u, Abeipa a vy hlâlei palôh pasipa ta y teh u. Pachâ tua u, lyuhneituhpa cha vâsua hmiatuapa nata vâsua hnôh viapa a hmô hlâlei alei thei sôhpa a hâ hualua tyh.

2 PITY 1:16

Eima Beipa Zisu Krista hmotaotheina nata â vy heih awpa kyh eima cha pahnosa nona kha, phôhpa phichhyhpazy cha chho ma pi. Keimo cha a rônahna a hmôtuhpazy eima châ.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.