MATHAI 16:27 - Mara Bible RV (BSI)

²⁷ Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 16:27 ပူးပေါင်းရင်းမြစ်များ

ZAWBÂ 34:11

Chyhsapa cha a hmotaopa hawhta viarithô aw ta, A yzie hawhta a chô liata a patlôsa aw.

HLAZY 62:12

Hy Abeipa, ngâchhihna cha nâma eih a châ. Chyhsa to ama hmotaopa lymâ hawhta na thô tyh.

BIESOZY 24:12

“Pachâ teh, he hmo he pahno ma pi,” Na tah khiahta cha, Palôh khopathliahtuhpa ta pahnopa ta, Na hro a vaotuhpa ta pahno thlâh ha ta, Chyhsa to ama hmotaopa lymâ hawhta viari a thô aw ei.

BIECHHOTUHPA 3:17

Hmo to nata rai to châta daihti raopa a châ khaipa vâta, Khazohpa ta mosiapa chhao moleipa chhao a pachia khai aw ei tahpa ei palôh ta pachâ na ta.

ZEREMIAH 17:10

“Kei, Abeipa he chyhsa to ama hrozie hawhta thôpa ta, Ama hmotaopa thei hawhta thô awpa ta, Palôh a mohtuhpa châ na ta, Pachâna a pasiatuhpa ei châ.”

ZEREMIAH 32:19

ryhrao thai ngaitapa nata hmotao thei ngaitapa na châ. Chyhsapa sawzy hrozie zydua na mo ta a hmôtuhpa châ chi ta, chyhsa to ama hrozie nata ama hmotaopazy theilâpa hawhta lymâ a pietuhpa na châ.

EZEKIA 18:20

Moleina a taotuhpa ta a hrona a pahlei aw. Sawchapaw­pa ta a paw paraona phaoh leipa aw ta, a paw chhao ta a sawchapawpa paraona phaoh aw vei. Mosiapa siana cha mosiapa chô liata y aw ta, moleipa moleina chhao moleipa chô liata a y aw.

EZEKIA 7:27

Abei cha mâchhie sa aw ta, abei sawchapawpa chhao hnabeidyna chysia ta a tobi aw ta, râh zawpi kuzy â chalyu aw. Âmo hrozie hawhta ama chô liata patlôsa aw na ta, chyhsa ama pachiazie hawhta âmo chhao ei pachia aw ei. Chatanachata Abeipa ei châ tahpa ama pahno aw.”

DÂNIAH 7:10

Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

ZEKARIA 14:5

Tlâhpi saikaozy cha Aze taih a tlôpa vâta, ei tlâhpizy saikao lâ a râ aw ei chi ta, Zudâh bei Uzia â bei nota alosihpa vâta namâ râpaipa hawhna khata namâ râ aw. Chatawhcha Abeipa ei Khazohpa cha a vy aw ta, a mopathaihpa zydua chhao ano hnohta amâ vy aw.

MATHAI 13:41

Chyhsa Sawchapawpa ta a vâlyuhchâpazy tuah aw ta, moleina a patlôsatuhpa zydua nata hmo pha leipa a taotuhpa zydua cha, a khinarâh tawhta la papua aw ta,

MATHAI 13:49

Cha hawhna chata daihti chhâna liata a y hra aw. Vâlyuhchâpazy a zu aw ei ta, moleipazy cha mosiapazy tawhta pahrua aw ei ta,

MATHAI 24:30

Chatawhcha Chyhsa Sawchapawpa ngiana avâ liata a vaw lâ aw ta, alei liata chi to mâchhiesapa ta y aw ei ta, Chyhsa Sawchapawpa cha hmotaotheina nata rônah ngaitapa ta vâ meihdo chô liata â zupa ama hmô aw.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

MATHAI 26:64

Zisu ta a chhy ta, “Na reipa hawhta ei châ. Châhrasala ei cha chho ei, he tawhta la, Chyhsa Sawchapawpa he Atotaotheipa ku chachâh lâta a tyuhpa ta, vâ meihdo chô liata â vypa nama hmô aw,” tah ta.

MATHAI 8:20

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha luh nyu nawpa su chhao hnei vei,” tah ta.

MÂKA 14:62

Zisu ta, “Ei châ na, Chyhsa Sawchapawpa he Hmotaotheina chachâh lâta a tyuhpa ta, vâ meihdo hry liata â zupa nama hmô aw,” tah ta.

MÂKA 8:38

Ahy rai, he apheihmâhpa nata moleipa chhâ liana heta, kei nata ei biezy a zakheipa maih cha, Paw rônahna nata vâlyuhchâpa pathaihpazy chhaota Chyhsa Sawchapawpa â zu tita, ano cha a zakhei hra aw,” tah ta.

LUKA 21:27

Cha tina chata Chyhsa Sawchapawpa cha hmotaotheina nata rônah ngaitapa ta meihdo hry liata â zupa ama hmô aw.

LUKA 22:69

Châhrasala tahmâ tawhta la Chyhsa Sawchapawpa he Khazohpa hmotaotheina chachâh lâta â tyuh ha aw,” tah ta.

LUKA 9:26

Ahy rai kei nata ei biezy a zakheipa cha, Chyhsa Sawchapawpa ta a rônahna chhaota nata a Paw rônahna nata a vâlyuhchâpa pathaihpazy rônahna chhaota â zu tita, ano cha a zakhei hra aw.

ZAWHÂNA 21:22

Zisu ta a hnohta, “Ano cha ei vy heihna taihta hroh awpa ta a khohpa rai châ aw sah la, cha cha na pachâ awpa a châ ma? Nâ cha na zi thlâh ha teh!” tah ta.

ZAWHÂNA 21:23

Cha bie cha unawhzy hry liata pathâh ta, cha pachupa cha a thi lei awpa hawhta reipa a châ. Châhrasala Zisu ta pachupa cha a thi lei awpa kyh Pity hnohta reih leipa ta, “Ano cha ei vy heihna taihta hroh awpa ta a khohpa rai châ aw sah la, cha cha nâma pachâ awpa a châ ma?” a tahpa a châ.

HMOTAOPAZY 1:11

Cha chyhsazy chata, “Kâlili mo saih u, khazia vârâh lâ mopa ta namâ duah thlâh haw? Zisu, nâmo tawhta vârâh lâ a chhipa ta a ypa kha, vârâh lâ a kiapa nama hmôpa hawhna heta â vy heih aw,” tah ei ta.

RAWMA 14:12

Eima zydua ta Khazohpa hmiakô liata keimo thâtih eima reih chyu aw.

RAWMA 2:6

Khazohpa ta chyhsa to ama hmotaopa lymâ hawhta a pachia aw.

1 KAWRINI 15:23

Châhrasala ama daihti chyu liata a châ aw. Krista cha thyuheihna hmia a sahtuhpa châ ta, â vy heihna liata Krista eihzy pathyupa ama châ aw.

1 KAWRINI 3:13

mei ta pasia aw ta, Noh ta a palâhâh awpa vâta, o sapazy cha ama châna dopa â vaw lâ chyu aw. Kheihta ma ama hria tahpa mei ta a pasia aw.

1 KAWRINI 8:8

Niepa ta Khazohpa miah pahniasa vei. Eima nie leipa vâta chhie via leipa pi ta, eima niepa vâta pha via hlei ma pi.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

EPHESI 6:8

Sei rai châ sala, khotalaipa rai châ sala, chyhsa to ta hmo phapa ama taopa maih cha, Abeipa tawhta ama hmô heih aw tahpa pahno teh u.

KAOLAOSÂ 3:25

Hmo doleipa a taopa cha, hmo doleipa a taopa mâ a hmô aw. Khokhei viapa y veih ei.

1 THYSALAWNIKA 1:10

vârâh tawhta a Sawchapawpa avyheihna a hâtuhpazy nama châzie miah ama chho. Ano cha Khazohpa ta athihpa hry tawhta a pathyupa Zisu kha châ ta, hiehâhna vaw tlô awpa tawhta miah a pachhatuhpa a châ.

1 THYSALAWNIKA 4:16

Abeipa cha rahaopa nata vâlyuhchâpa chônôchaipa ao nata Khazohpa chiahmie pyu chhaota avâ tawhta za chô aw ta, Krista liata athipazy cha ama thyu tua aw.

ZÂMIE 5:7

Chavâta unawh saih u, Abeipa a vy hlâlei palôh pasipa ta y teh u. Pachâ tua u, lyuhneituhpa cha vâsua hmiatuapa nata vâsua hnôh viapa a hmô hlâlei alei thei sôhpa a hâ hualua tyh.

1 PITY 1:17

Khokhei viapa hnei leipa ta, chyhsa to ama hmotaopa chyu hawhta pachiatuhpa cha Paw hawhta nama pado khiahta cha, khizaw liata nama y chhôh cha khitlyhpa hawhta y u la, Paw Khazohpa cha chiza muh vy.

1 ZAWHÂNA 2:28

Chavâta sawzy saih u, ano liata y thlâh ha muh vy. Chatanachata â vaw luah tita hnangâhpa ta y aw pi ta, â vy tita a hmiakô liata noza leipa ta eima y thei aw.

ZUDÂH 1:14

Cha hawhpa chyhsazy thâtih cha, Âdâh tawhta chhâ sarina Enawka chhao ta, “Moh teh u, Abeipa cha a vâlyuhchâpa pathaihpa thy kha chhaota â vy.

BIEPHUAH 1:7

Nathlie teh u, Krista cha meihdo hry liata a zu aw ta, mokhaoh to ta ano cha ama hmô aw. Ano a chôtuhpazy chhao khata hmô aw ei ta, khizaw phopi zydua ano vâta mâchhiesapa ta ama y aw. Châ tlai mawh sy. Amen.

BIEPHUAH 2:23

A sawzy tusao aw na ta, chatanachata kei cha pachâna nata palôh mohtuhpa ei châ tahpa Awnanopa zydua ta ama pahno aw. Nama hmotaopazy lymâ hawhta ei cha pie aw ei.

BIEPHUAH 20:12

Beidyuchhai hmiakô liata molaipa nata mochyhpa athipazy a duahpa hmô na ta, châbuzy pahypa a châ. Châbu hropa, hrona châbu chhao pahypa châ ta. Athihpazy cha châbuzy liata ropa hawhta, ama hmotaozie lymâ hawhta pachiapa ama châ.