MATHAI 16:21 - Mara Bible RV (BSI)

²¹ Cha rakha tawhta cha Zisu ta a pachupazy hnohta Zerusale lâ a khy awpa nata machâzy, theihthai beizy nata ryhpa pachutuhpazy ta pasa thata ama pataosa awpa kyh nata, ama thie awpa nata noh thôh noh ta pathyupa ta a y awpa kyh zy reih pathao ta.

MATHAI 16:21 ပူးပေါင်းရင်းမြစ်များ

NEHEMIAH 12:7

Salu, Amô, Hikia nata Zediah zy châ ei ta, âmo cha Zesua hro chhôh ta theihthaipazy nata ama unawhzy hry liata hyutuhpazy ama châ.

MATHAI 12:40

Zawna ta nga laipa py chhôh liata noh thôh nata zâ thôh a ypa hawhta, Chyhsa Sawchapawpa chhao alei chhôh liata noh thôh nata zâ thôh a y aw.

MATHAI 16:22

Pity ta Zisu cha anano ta a chhi ta, ra ta, a hnohta, “Abeipa, Khazohpa ta pasaih khah sy! Cha cha na chô liata tlô cheita khah sy,” tah ta.

MATHAI 16:28

Hmeiseihta ta ei cha chho ei, he liata a duahpazy hry liana heta, Chyhsa Sawchapawpa he a khinarâh liata â zupa ama hmô hlâlei cha, thina a padi lei awpa ama y,” tah ta.

MATHAI 17:12

Châhrasala ei cha chho ei, Elaizâh cha a vy ha ta, ano cha pahno leipa ei ta, a chô liata ama khozie hawhta ama taopa kha a châ. Cha hawhna hra chata Chyhsa Sawchapawpa chhao he ama ku liata pasa a tao aw,” tah ta.

MATHAI 17:9

Tlâh tawhta ama za chô hai nota, Zisu ta ama hnohta, “Chyhsa Sawchapawpa he athihpazy hry tawhta a thyu heih hlâlei cha, aluahna nama hmôpa kha ahy hmah chho khuh vy,” tahpa ta biepie ta.

MATHAI 20:28

Chyhsa Sawchapawpa tlai chhao he, chyhsa ta ama chakaopa châ awpa ta a zupa châ leipa ta, chakaotuhpa châ awpa nata chyhsa hluhpi chatlai nawpa ta a hrona pie awpa ta a zupa a châ,” tah ta.

MATHAI 26:2

“Noh no khai tawhta zawpakhô kyhchhi a vaw y awpa nama pahno. Chyhsa Sawchapawpa he khaipâ awpa ta patusapa a châ aw,” tah ta.

MATHAI 26:47

A rei hai nota, pahrawh hleino hry liata pakha, Zudâh cha a vy ta, zawpi hluhpi chhao zaozi nata thothuzy a chabapa ta a hnohta a vy ei ta. Theihthai beizy nata khitlâh machâzy taihta a hlao ei ta.

MATHAI 27:12

Theihthai beizy nata machâzy ta ama leih nota deikua cha, khâpa hmah a chhy vei.

MATHAI 27:63

a hnohta, “Pâpuh, kha dôtuhpa khata a hro nota, ‘Noh thôh khai tawhta ei thyu heih aw,’ a tahpa eimâ thei thlâh haw.

MATHAI 28:6

Ano cha he liata y khao vei, a reipa hawhta a thyu haw. A vy u la, â ziana su he vaw moh tua u.

MÂKA 8:31

Zisu ta chyhsa Sawchapawpa cha hmo hluhpi pasa a tao awpa châ ta, machâzy, theihthai beizy nata ryhpa pachutuhpazy ta khoh leipa aw ei ta, thie aw ei ta, noh thôh khai tawhta a thyu heih awpa kyh a pachupazy pachu pathao ta.

MÂKA 9:12

Zisu ta ama hnohta, “Hmo to zydua tao pathi awpa ta Elaizâh cha â vy tuapa tlai a châ. Cha khiahta la, Chyhsa Sawchapawpa cha pasana hluhpi tao aw ta, mohnaopa ta a y awpa kyh cha, khâpa vâta ropa ma a châ?

LUKA 17:25

Châhrasala pasa hluhpi tao tua aw ta, he chhâ chyhsazy ta dythapa ta a y tua aw.

LUKA 24:46

ama hnohta, “Hetana heta ropa a châ: ‘Mesia cha riethei tao aw ta, a noh thôhna noh ta athihpa hry tawhta thyu heih aw ta,

LUKA 9:31

Rônahna ta a tobipa ta a zâ luah ei ta, Zisu thi nawpa kyh nata cha cha Zerusale liata a pangoh awpa kyh reih ei ta.