MATHAI 16:16 - Mara Bible RV (BSI)

¹⁶ Saimaw Pity ta, “Mesia, Khazohpa hrohpa Sawchapawpa na châ,” tahpa ta a chhy ta.

MATHAI 16:16 ပူးပေါင်းရင်းမြစ်များ

HLAZY 2:7

Bieraopa ei phuah aw: Abeipa ta ei hnohta, “Ei sawchapawpa châ chi ta, Tanoh he na paw ei châ haw.

HLAZY 42:2

Ei hro he Khazohpa vâpa ta a dâhphi ta, Khazohpa hrohpa vâpa ta a dâh a phi. Khati ta ma sie aw sah la, Khazohpa hmia ei hmô aw tly?

DÂNIAH 6:26

Ei ryureina râh zydua liata chyhsazy ta Dâniah Khazohpa hmiakô liata chipa ta a chalyu awpa ta biepiepa ei tao. “Ano cha Khazoh hrohpa châ ta, Tlyzaw ta a ypa a châ; A khinarâh paraopa châ beih leipa aw ta, A ryureina ta chhâna noh hnei aw vei.

MATHAI 1:16

Zakaw cha Zawsi paw a châ. Zawsi cha Mâri vahpa châ ta, Mâri cha Mesia ama bipa Zisu nô a châ.

MATHAI 14:33

Balyh liata a ypazy a vy ei ta, ano cha a chhy ei ta, a hnohta, “Khazohpa Sawchapawpa na vaw châ hmeiseih tlai na,” tah ei ta.

MATHAI 16:15

Zisu ta ama hnohta, “Cha khiahta la, nâmo zaw ahy a châ eina tah ei chi?” tah ta.

MATHAI 26:63

Châhrasala Zisu cha a chalih thlâh ha ta. Theihthai beichaipa ta, “Khazohpa hrohpa moh reipa ta bie a taih awpa ta bie ei cha pie. Khazohpa Sawchapawpa Mesia cha na châ ma, miah chho teh,” tah ta.

MATHAI 27:54

Pheisaih za kha hyutuhpa nata a hnohta Zisu vaituhpazy ta, alo a sihpa nata hmo a ypazy cha ama hmô nahta, chi ngaita ei ta, “Hmeiseihta ta, he he Khazohpa Sawchapawpa a châ tlai na!” tah ei ta.

MATHAI 4:3

Reipasaotuhpa a vy ta, a hnohta, “Khazohpa Sawchapawpa na châ khiahta cha, alôzy he viahchhâ lâta a vaw lie awpa ta biepie teh,” tah ta.

MÂKA 14:61

Châhrasala a chalih thlâh ha ta, khâpa hmah a chhy leipa ta. Theihthai Beichaipa ta hiahri heih ta, “Nohlaopa Sawchapawpa Krista cha na châ ma?” tah ta.

LUKA 2:11

Tanoh he Dâvi khihpi liata nama châta Pachhatuhpa a pih haw, Beipa Krista cha!

ZAWHÂNA 1:49

Nâthaniah ta a chhy ta, “Râbai, Khazohpa Sawchapawpa na châ! Izarei Beipa na châ!” tah ta.

ZAWHÂNA 11:27

Marthâ ta, “Abeipa, ei ngiapâ na. Mesia, Khazohpa Sawchapawpa, khizaw lâ a vy awpa cha na châ tahpa ei ngiapâ,” tah ta.

ZAWHÂNA 20:31

Zisu cha Mesia, Khazohpa Sawchapawpa châ ta, ngiapâna vâta ano moh ta hrona nama hnei thei nawpa ta, he châbu he ropa a châ.

ZAWHÂNA 6:57

A hroh thlâhpa Paw ta na tuah ta, Paw zawhzi ta a hrohpa ei châpa hawhta, ahy rai nâ niepa cha, keima zawhzi ta ano chhao a hroh aw.

ZAWHÂNA 6:68

Saimaw Pity ta a chhy ta, “Abeipa, ahy lâ ma eima sie aw, nâ cha chhâzaw hrona bie a hneipa châ chi ta,

ZAWHÂNA 6:69

keimo chhao ta châ ngiapâ pi ta, Khazohpa Mopathaihpa na châ tahpa eima pahno haw,” tah ta.

HMOTAOPAZY 14:15

“Pupa saih u, he hmozy he khazia nama tao? Keimo he nâmo nôchâ hawhpa a phaohpa chyhsapa eima châ hra. He hmo khâpa hraoleipazy he a heihsaipa ta, avâ nata alei nata tilaipi nata a chhôh liata a ypa zydua a taotuhpa Khazoh hrohpa lâ a heih awpa ta, nama hnohta thâtihpha eima vaw tlôkhei.

HMOTAOPAZY 8:36

Lâpi liata ama sie hai nota, ti yna tlô ei ta, hrilyupa ta, “Moh tua, he liata ti a y! Bâti châ awpa ta khâpa ma na pakhâ?” tah ta.

HMOTAOPAZY 8:37

Phili ta a hnohta, “Na pathipalôh tlokhuh ta nâ ngiapâ khiahta cha, bâti na châ thei aw,” tah ta. Ano ta, “Zisu Krista cha Khazohpa Sawchapawpa a châ tahpa ei ngiapâ,” tah ta.

HMOTAOPAZY 9:20

Sawla ta Zisu cha Khazohpa Sawchapawpa a châ tahpa pakhyna ozy liata thlai chho ta.

RAWMA 1:4

A Thlahpa pathaihna kyh liata deikua cha, athihpa hry tawhta a thyuheihna ta, eima Beipa Zisu Krista cha hmotaotheina a hneipa Khazohpa Sawchapawpa a châzie a palâsa.

2 KAWRINI 1:19

Kei nata Timawthy nata Silvanâ ta, nama hry liata eima phuahpa Khazohpa Sawchapawpa Zisu Krista kha, “A châ” nata “Châ vei” châ pakaoh vei. Ano liata cha khati no rai ta “A châ” tahpa a châ lymâ.

2 KAWRINI 3:3

Nâmo he Krista ta keimo miah a parosapa Krista châpaphaopa châ ei chi ta, châti ta ropa châ leipa ta, lôphia liata ropa châ hra leipa ta, Khazohpa hrohpa Thlahpa ta chyhsa palôh phiapa liata ropa nama châzie a siapa ta nama palâsa haw.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

RYHPACHANEINA 5:26

Keimo ta mei hry tawhta Khazohpa hrohpa bie reipa ao eima theipa hawhta thei ta, châhrasala a hrohpa chyhsa zydua hry liata ahy ma a y?

1 THYSALAWNIKA 1:9

Eima cha vaw tly nota miah namâ lyzie nata Khazohpa hrohpa nata dopa chakao awpa ta nothlahpazy tawhta Khazohpa lâ namâ heih hapa kyh miah chho ei ta,

1 TIMAWTHY 3:15

vaw hawh pathlei mawh sah la, Khazohpa chhôhkha liata kheihta y awpa ma a châ tahpa na pahno thei nawpa ta ei vaw ropa a châ. Khazohpa chhôhkha cha Khazohpa hrohpa Awnanopa châ ta, cha cha bie hmeiseihpa tôh nata abôna a châ.

1 TIMAWTHY 4:10

Khazohpa hrohpa liata eima hnabeiseihna eima sopa vâta, hriapasa pi ta, eima tei lylia. Ano cha chyhsa zydua Pachhatuhpa châ ta, ano ngiapâtuhpazy Pachhatuhpa a châ pachai.

HEBRAI 10:31

Khazoh hrohpa ku liata paopa cha hmo rarôh y ngaitapa a châ.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

HEBRAI 3:12

Unawh saih u, a sohsi teh u. Chataleipatala nama hry liata ahy chhôh liata tlyma ngiapâleina palôh moleina vaw y aw ta, Khazoh hrohpa nama paosai pathlei aw na.

HEBRAI 9:14

chhâzaw Thlahpa zawhzi ta, seina hnei leipa ta Khazohpa lâ anosasy ta a hlâtuhpa thisaih chhochhi ta cha, eima chhie nata pha pahnona cha hmotaopa thipa tawhta Khazohpa hrohpa chakaona lâta a pathaisa via pachai aw dia!

1 ZAWHÂNA 4:15

Ahy rai Zisu cha Khazohpa Sawchapawpa a châ tahpa a châkheipa maih cha, ano liata Khazohpa y thlâh ha ta, ano chhao Khazohpa liata a y thlâh ha hra.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.

1 ZAWHÂNA 5:5

Zisu he Khazohpa Sawchapawpa a châ tahpa a ngiapâtuhpa dei leipa ta cha, ahy ma khizaw a tiah thei tly?

BIEPHUAH 7:2

Vâlyuhchâpa hropa pakha, Khazoh hrohpa chahnaona a chabapa nochhi lâ tawhta a vaw puapa hmô na ta. Ano chata vâlyuhchâpa papalih, alei nata tilaipi parao theina biehneina piepazy hnohta ao paro ngaitapa ta,