MATHAI 15:6 - Mara Bible RV (BSI)

⁶ a tahpa maih cha, hmopiepa ta a paw tlyma, a nô tlyma, a palyupalih awpa byuh khao vei,’ nama tah tyh. Nama taozietyhpa a tlychakapa ta, Khazohpa bie cha hraoleipa ta nama tao haw.

MATHAI 15:6 ပူးပေါင်းရင်းမြစ်များ

HLAZY 119:126

Na ryhpa parao ha ei ta, Hy Abeipa, rai na hria daihti a tlô haw.

HLAZY 119:139

Ei khakhaipazy ta na biezy ama my hapa vâta, Ei phahnai ngiahna ta eina nie khai haw.

ZEREMIAH 8:8

“Kheihta ma, ‘Asopa châ pi ta, Abeipa ryhpa eima hnohta a y,’ Nama tah thei tly? Pachâ teh u, chârohtuhpazy châsôh haih thaipa ta, Ryhpa cha haipa ta a panano ha hih.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

MATHAI 15:5

Nâmo deikua ta, ‘Ahy rai a nô tlyma, a paw tlyma hnohta, “Keima tawhta baona na hmô awpa vyuhpa cha Khazohpa hnohta ei pie haw,”

MATHAI 15:7

Nâmo, phapakheipazy saih u, nama yzie kyh liata Isai ta,

MÂKA 7:13

Cha hawhna chata nama taozietyhpa namâ pie pachhuah lymâpa hmâpa ta, Khazohpa bie hraoleipa ta nama tao tyh. Cha hawhpa cha hmo hluhpi nama tao,’” tah ta.

RAWMA 3:31

Cha khiahta la, ngiapâna vâta ryhpa cha hraoleipa ta eima pachâsa ma? Châ bao va! Ryhpa cha tlao eima pa-ipa a châ.

1 TIMAWTHY 5:16

Ngiapâtuhpa chanô ta sanawh nôhmeizy a hnei khiahta cha, âmo cha ano ta deichhy mawh sy. Awnanopa phao a pahri awpa châ vei. Chatanachata Awnanopa ta nôhmei hmeiseihpazy a deichhy thei aw.

1 TIMAWTHY 5:8

Sanawh a chyh leipa chyhsa, a eih pachaipa ta a chhôhkhazy a chyh leipa chyhsa cha, ngiapâna a paphasaipa châ ta, ngiapâleipa hlâ chhao ta a chhie via.