MATHAI 15:29 - Mara Bible RV (BSI)

²⁹ Zisu cha, cha su tawhta pua ta, Kâlili Tipo kiah tlô ta, tlâh lâ kiah ta, cha liata a tyuh ta.

MATHAI 15:29 ပူးပေါင်းရင်းမြစ်များ

ISAI 9:1

Châhrasala thlazohpa ta a ypa châta zohmyh a ti khâh khao aw vei. Hlâno ta cha Zebulawna nata Nâthalai râh cha râh zachhih leipa ta tao ta, châhrasala hnôhlâ ta tilaipi pangaina Zawdâh haosâ lâta a ypa phopizy Kâlili râh cha, râh rônahpa ta a tao haw.

MATHAI 13:2

Chyhsa hluhpi a hnohta a vypakhy ei ta, balyh liata kiah ta, a tyuh ta, zawpi zydua cha raphyu liata a duah ei ta.

MATHAI 4:18

Kâlili Tipo kiah liata a sie hai nota, unawh pano, Saimaw, Pity ama tahpa nata a unawhpa Adaru zy cha tilaipi liata sao ama vaw ngâpa hmô ta. Âmo cha nga patutuhpazy ama châ.

MATHAI 5:1

Zisu cha zawpizy a hmô nahta, tlâh lâ kiah ta, a tyuh ta, a pachupazy a hnohta a vy ei ta.

MÂKA 1:16

Kâlili Tipo kiah liata a sie hai nota, Saimaw nata a unawhpa Adaru cha tipo liata sao ama parai ngâpa hmô ta. Âmo cha nga patutuhpazy ama châ.

LUKA 5:1

Noh kha cha zawpi ta Khazohpa bie nathlie awpa ta thata ama by nota, Zisu cha Kenesare tipo kiah liata a duah ta.

ZAWHÂNA 21:1

Cha hnôhlâ ta Zisu cha a pachupazy hnohta Taibiria Tipo liata a luah heih ta, hetana heta â luah.

ZAWHÂNA 6:1

Cha hnôhlâ ta Zisu cha Kâlili Tipo haosâ lâ sie ta, cha tipo cha Taibiria Tipo tahpa a châ hra.

ZAWHÂNA 6:23

Abeipa ta alyna bie a rei khai nahta viahchhâ ama niena su kiapâh liana kha Taibiria balyh hropazy vaw tlô ei ta.

ZAWSUA 12:3

Arabâ nochhi lâta a ypa Chinerô tipo tawhta Arabâ tipo, tipo iahpa taihta nata chho lâta Piskâ baikhaihpazy ry taihta Sihaw râhzy a châ hra.