MATHAI 15:14 - Mara Bible RV (BSI)

¹⁴ Âmo y ta y thlâh ha ei sa. Chhituhpa mochaopazy ama châ. Mochaopa ta mochaopa a chhihtha khiahta cha, khaohtlô liata hmaohkhata ama tla aw,” tah ta.

MATHAI 15:14 ပူးပေါင်းရင်းမြစ်များ

ISAI 31:3

Izi mo cha Khazohpa châ veih ei, Chyhsapa dei ama châ; Ama arâzy chhao thlahpa châ veih ei, Sapa dei ama châ. Abeipa ta a ku a pazawh tita la, Baotuhpa a chapia aw ta, A baopa chhao pao aw ta, Ama zydua ta hmaohkha ta ama leidia aw.

ISAI 42:19

Nâ chakaotuhpa tah leipa ta cha, Ahy ma a mo a chao tly? Ei lyuhchâpa ei tuapa hawhta Nahpâpa ahy ma a y tly? Ahy ma ei tlyhpa hawhta a mo chao ta, Abeipa chakaotuhpa hawhta a mo a chao tly?

ISAI 56:10

Izarei vaituhpazy ama mo chao ha ta, Pahnona a hnei leipa sai ama châ; I a thlih thlâh hapazy châ ei ta, Nga thai veih ei; A zia ei ta, reihchamaoh ei ta, A mô awpa sai a tlaichhaipazy ama châ.

ISAI 9:16

He phopi a chhituhpazy ta Phopi cha a chhi chhei ei ta; Ama chhihthapazy noraihpa ta ama paysa.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 6:15

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata thy pathlahpa ama châ aw,” Abeipa ta a tah.

ZEREMIAH 8:12

Hmo pasichhihpa ama tao no khata, Nozana châh zy ama pahno tlyma i? Khâpa nozana châh cha ma ama pahno bao aw! Ama noza tiarâh leipa ta, Hmiachhie nawpa châh chhao pahno veih ei. Chavâta a paopazy hry liata pao hra aw ei ta, Âmo ei hriena daihti liata, Thy pathlahpa ama châ aw,” Abeipa ta a tah.

HÔSIA 4:17

Epharai cha nothlahpa nata a zao ha ta, Ano y ta y mawh sy.

MALAKHAI 2:8

“Châhrasala lâpi tleisai ei chi ta, nama pachuna ta chyhsa hluhpi pahluasapa ta, Livai biehrai cha nama parao haw.

LUKA 6:39

Ama hnohta pakhona bie reih heih ta, “Mochaopa ta mochaopa a chhihtha thei aw ma? Ama pano ta khaohtlô liata hmaohkha ta tla aw veih ei ma?

ZAWHÂNA 9:39

Zisu ta, “Mochaopazy ama mo pavâ sala, mo pavâpazy ama mo a chao nawpa ta, he khizaw liata ryureih awpa ta a vypa ei châ,” tah ta.

1 TIMAWTHY 6:5

Chyhsa nata chyhsa likah liata bie pha leipa a tu tyhpa châ ei ta, cha hawhpa chyhsazy cha palôh chhiepa, biehmeiseihpa liata a duah leipa, Khazohpa lâ hmo pachâpa cha athôhna khiah ma a tahpazy ama châ.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

2 PITY 2:17

Cha chyhsazy cha ti a y leipa vahtiezy châ ei ta, thlihpipa ta a phao pahaipa ameihzy ama châ. Zohna chhakaluhpa nôpona cha âmo châta sopa a châ.

BIEPHUAH 19:20

Sahrâhpa cha patupa châ ta. Sahrâhpa ngiana a hneipa nata sahrâhpa nothlahpa a chhytuhpazy dôveina hmonoâhpa a mohmô liata a tao tyhpa hrohso pakheipa chhao, a hnohta patu pâpa châ ta, kaih ta a kâ ngâpa mei tipo liata ama pano ta ahrohpa ta thypa ama châ.

BIEPHUAH 22:15

Izy, dyuthaipazy, sihryhpazy, lianycheihpazy, nothlahpa a chhypazy nata haipa bie rei a pahâhpazy deikua cha, khihpi khôtho liata ama y aw.