MATHAI 15:11 - Mara Bible RV (BSI)

¹¹ Pakah liata a ngiapa ta chyhsa papuapalei leipa ta, pakah tawhta a puapa ta chyhsa a papuapalei tyh,” tah ta.

MATHAI 15:11 ပူးပေါင်းရင်းမြစ်များ

HLAZY 10:7

A pakah cha chhiesana, dôveina nata tlybaina zy ta bie ta, A paleih ry cha chhoruna nata paraona zy ta a bie.

HLAZY 12:2

Chyhsa to ta ama vaihzy hnohta haipa bie reih ei ta, Reithai pakheina hmao ta reithaipa ta, Haidihaiduahna palôh ta bie ama reih tyh.

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

MATHAI 15:10

Chatawhcha zawpizy ano lâ awpakhy ta, ama hnohta, “Nathlie u la, pahno teh u.

MATHAI 15:12

Cha khai tawhta a pachupazy a vy ei ta, a hnohta, “Cha bie cha Phârisaihzy ta thei ei ta, ama palôh a tlâh lei kaw tahpa na pahno ma?” tah ei ta.

MÂKA 7:15

Khôtho lâ tawhta chyhsa chhôh lâ a ngiapa khâpa hmo hmahta chyhsapa papuapalei thei vei. Chhôh lâ tawhta a kaw puapa ta chyhsapa cha tlao a papuapalei tyh.

RAWMA 14:14

Abeipa Zisu liata pathaih leipa khâpa hmah y vei tahpa a siapa ta ei pahno. Pathaih leipa hawhta a pachâpa châta deikua cha, pathaih leipa a châ.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

RAWMA 14:20

Niepa vâta Khazohpa raihria parao khah y. Hmo to a pathaih khai. Châhrasala niepa ta chyhsa a chapiasa khiahta cha, a nietuhpa cha a do vei.

1 TIMAWTHY 4:3

Nôvah ahneina pakhâ ei ta, biehmeiseihpa pahnotuhpa nata ngiapâtuhpazy ta alyna bie reina chôta nie awpa Khazohpa ta a taopa niedozy nie lei awpa ta bie ama pie.

TITU 1:15

Mopathaihpazy châta ato pathaih ta, chyhsa puapa nata ngiapâleipazy châta deikua cha, khâpa hmah pathaih vei. Ama palôh phaozie nata ama chhie nata pha pahnona a pua khai haw.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.