MATHAI 14:9 - Mara Bible RV (BSI)

⁹ Abei cha a pachârôh kaw ta, châhrasala a bietai vâta nata a hruapazy vâta, Herawdi sawchanônô hiapa cha pie awpa ta biepie ta.

MATHAI 14:9 ပူးပေါင်းရင်းမြစ်များ

BIECHHOTUHPA 5:2

Na pakah a para leipa la, na palôh ta Khazohpa hmiakô ta bie rei awpa chatlie tu khah sy. Khazohpa cha avâ liata y ta, nâ deikua cha alei liata y tlôh chi ta, chavâta bie reih chyh mah y.

ZEREMIAH 44:25

Pheisaihzy Abeipa, Izarei Khazohpa ta hetana heta a tah: Nâmo nata nama lapinôzy ta, ‘Avâ beinô lâ ropahâhpazy raopa ta, ano lâ dopa hlânazy patlai awpa ta, avâ beinô liata eima bietaizy cha eima tao tlai aw,’ tahpa ta nama pakah ta reih ei chi ta, nama ku ta pi nama patlohsa haw. Nama bietaizy cha pa-i u la, nama bietaizy cha tao lâlao teh u.

MATHAI 14:1

Cha daihti liata, Kâlili râh ryureituhpa Herawda ta Zisu thâtih cha thei ta.

MATHAI 14:10

Chyhsa tuah ta, Zawhâna luh cha patâhna o liata kei pataisa ta.

MATHAI 14:5

Herawda ta Zawhâna cha thie awpa khoh ta, châhrasala zawpi ta hrohsopa ta ama pachâ vâta, zawpi riah chipa ta thie ngâh leipa ta.

MATHAI 14:8

A nô ta a pasyupa hawhta, Herawda hnohta, “Bâtituhpa Zawhâna luh beikoh ta na vaw pie teh,” tah ta.

MÂKA 6:14

Zisu cha a moh a pathâh kawpa vâta, Bei Herawda chhao ta a thâtih vaw thei ta. Thokhazy ta, “Bâtituhpa Zawhâna kha athipa hry tawhta thyu heih ta, chavâta he hmonoâhpa tao theina biehneinazy he ano liata a ypa a châ,” tah ei ta.

MÂKA 6:20

Herawda ta Zawhâna cha chyhsa siapa nata pathaihpa a châ tahpa a pahnopa vâta chi ta, a pabohsapa a châ. A bie a thei nahta, a nôpo kaw tyh ta, châhrasala a ly ngaitapa ta a nathlie pyly tyh.

MÂKA 6:26

Abei cha a pachârôh ngaita ta, châhrasala chyhsa peimawhpa a hruapazy hmiakô liata bie â taih hapa vâta, laihsa hnohta bie a rei hapa cha parao khoh leipa ta.

LUKA 13:32

Zisu ta ama hnohta, “Cha changie hnohna chata hetana heta kei chho teh u, ‘Tanoh nata mylâ ahripazy papuapa ta patlâhna raizy hria aw na ta, a noh thôhna noh ta ei rai ei patlô aw.

RYUREITUHPAZY 11:39

Thla no a tloh nahta, a paw o lâ a vaw di ta, a paw ta bietai a vaw tao hapa hawhta, a sawchanô chô liana cha tao ta. Ano he chapaw a pahno mâh leipa châ ta, chavâta ano atheithlâhna hmo chhao Izarei liata tao tyhpa a châ.

RYUREITUHPAZY 21:1

Izarei pheisaihzy cha Mizpâ liata bie a taih ei ta, “Eima hry liata ahy hmahta eima sawchanô Benzami lapinô ta eima pie awpa châ vei,” tah ei ta.

1 SAMUELA 14:24

Cha noh liata, Izarei pheisaihzy cha thachhâ panaopa ta y ei ta. A chhâpa cha Sawla ta, “Zâlâ daihti a tlô hlâta nata ei chariahpazy chô liata phuh ei la khai hlâta pati a niepa cha chhiesapa ta y mawh sy,” tahpa ta pheisaihzy cha bietai ta a chahry hapa vâ ei ta a châ. Chavâta pheisaih ahy hmahta pati a padipa y veih ei.

1 SAMUELA 14:28

Pheisaih pakha ta a hnohta, “Na paw ta, ‘Tanoh pati a niepa cha chhiesapa ta y mawh sy’ tahpa ta pheisaihzy bietai a i ngaitapa ta chahry ha ta, chavâta pheisaihzy he ama panao hapa a châ,” tah ta.

1 SAMUELA 25:22

Mylâ my khih a pavâ tita, a hneipa zydua liata chapaw pakha chhao ei pahlôh khiahta cha, Khazohpa ta Dâvi chô liata tao sala, cha hlâta pasa viapa chhao ta tao mawh sy,” tah ta.

1 SAMUELA 28:10

Sawla ta Abeipa moh ta a hnohta bie a taih ta, “Abeipa hrona reipa ta ei reih, he hmo vâna heta na chô liata hriena tlô cheita aw vei,” tah ta.