MATHAI 14:6 - Mara Bible RV (BSI)

⁶ Herawda pina noh vaw tlô ta, alykheituhpazy hmiakô liata Herawdi sawchanônô ta lâh ta, cha chata Herawda cha palysa kaw ta.

MATHAI 14:6 ပူးပေါင်းရင်းမြစ်များ

ÂTHAONA 40:20

A noh thôhna noh, Phiraoh pi noh liata, Phiraoh ta a chakaotuhpa zydua châta kyhchhi tao ta. A chakaotuhpazy mohmô ta nyu hlâtuhpazy hyutuhpa nata viahchhâ taotuhpazy hyutuhpa cha ama luh chaluah ta.

ESTHERI 2:18

Chatawhcha abei ta a beimachâ nata nôpawpa zydua châta Estheri moh ta kyhchhi rônahpa tao ta. A râh zydua liata chhiezy paei ta, abei riaphana palâsapa ta hmosaipazy a rai ei.

MATHAI 14:3

Herawdâ ta a unawhpa Phili lapinô Herawdi vâta Zawhâna cha patu ta, chahry ta patâhna o liata a vaw khô hapa a châ.

MATHAI 14:7

A hiapa maih pie awpa ta bie a taih ta.

MATHAI 22:24

a hnohta, “Pachutuhpa, Mawsi ta, ‘Chyhsa ta saw hnei leipa ta thi sala, a unawhpa ta a lapinô cha hnei aw ta, a unawhpa châta chi a pathla awpa a châ,’ tah ta.

MÂKA 6:14

Zisu cha a moh a pathâh kawpa vâta, Bei Herawda chhao ta a thâtih vaw thei ta. Thokhazy ta, “Bâtituhpa Zawhâna kha athipa hry tawhta thyu heih ta, chavâta he hmonoâhpa tao theina biehneinazy he ano liata a ypa a châ,” tah ei ta.

MÂKA 6:17

Herawdâ ta a unawhpa Phili lapinô Herawdi cha lapinô ta a hneipa kyh liata, chyhsa tuah ta Zawhâna cha patusa ta, patâhna o liata chahryna chôta a khôpa kha a châ.

MÂKA 6:19

Chavâta Herawdi ta Zawhâna cha a hao kaw ta, thie awpa khoh ta, châhrasala tao thei leipa ta.

MÂKA 8:15

Zisu ta pachupazy cha zikyu a râ ta, ama hnohta, “A hrohrua u la, Phârisaihzy thinô nata Herawda thinô tawhta a vaih teh u,” tah ta.

LUKA 13:31

Cha dawh lia tlai chata Phârisaih thokha a vy ei ta, a hnohta, “Pua la, he tawhtapa he sie syulyu ha teh, Herawda ta thie a châ chhuah,” tah ei ta.

LUKA 23:11

Herawda nata a pheisaihzy ta Zisu cha mohnao kawpa ta pasipasawh ei ta. Poh rônahpa pabupa ta, Pilâ lâ hlâ pakhua ha ta.

LUKA 23:7

Herawda avaona râh chyhsa a châpa a pahno nahta, Herawda lâ hlâ ha ta. Cha nota Herawda cha Zerusale liata a y no châ ta.

LUKA 3:1

Taibiria Kaisarâ â beina kô hrawh hleipangawhna liata, Pawtia Pilâ cha Zudia râh râhvaotuhpa châ ta, Herawda cha Kâlili bei a châ. A unawhpa Phili cha Ituria nata Tarâkôniti bei châ ta, Lysania cha Abilene bei a châ.

LUKA 3:19

Bei Herawda cha a unawhpa lapinô Herawdi kyh liata nata hmo moleipa a taopa zydua vâta Zawhâna ta vaw chhorei ta.

LUKA 8:3

Herawda sôh mokhâhtuhpa Kuza lapinô Zôanâ, Susanâ nata ahropa hluhpizy ama châ. Âmozy chata ama hneina tawhta Zisu cha ama deichhy lymâ.

HMOTAOPAZY 12:1

Cha daihti rachhôh liata, Bei Herawda ta Awnanopa sahlao thokha chô liata a ku hypa ta taola ta.

HMOTAOPAZY 4:27

He khihpi liana heta, châ chakaotuhpa pathaihpa, na sathawthupa Zisu kyh vâta, Herawda nata Pawtia Pilâ nata Zenitaizy nata Izarei chiphozy amâ hmaohpakhy.