MATHAI 14:31 - Mara Bible RV (BSI)

³¹ Zisu ta a ku thlai kei pazawh ta, Pity cha patu ta, a hnohta, “Hy nâ, ngiapâ chyhpa, khazia nâ lôh vei?” tah ta.

MATHAI 14:31 ပူးပေါင်းရင်းမြစ်များ

ÂTHAONA 22:14

Chavâta Abarahâ ta cha su cha Zehôvâh Zire tahpa ta a moh bi ta, tanoh taihta, “Abeipa tlâh liata piepa a châ aw,” tah tyhpa a châ.

HLAZY 138:7

Nôpona hry liata ei chareipa chhao ta, Ei hrona pahlôh chi ta; Ei chariahpazy hiehâhna lâ na ku pazawhpa ta, Na ku chachâh lâta eina pachha tyh chi.

ISAI 63:12

A bâh rônahpa Mawsi ku chachâh lâta pasiesa ta, Anosasyh ta chhâzaw moh a tao awpa ta, Ama hmiakô liata tizy a pachhaihtuhpa kha, Khataih liata a y haw?

MATHAI 14:30

Châhrasala thlihpipa a hmô nahta, chi ngaita ta, a pamôh pathao ha ta, “Abeipa, na pachha teh,” tahpa ta awh ta.

MATHAI 14:32

Balyh liata amâ ngia nahta, thlih cha a chalih ha ta.

MATHAI 16:8

Zisu ta cha kyh cha a pahno nahta, “Ngiapâ chyhpa saih u, khazia ma viahchhâ nama hnei leipa kyh nama reih?

MATHAI 17:20

Zisu ta ama hnohta, “Namâ ngiapâna a chyhpa vâta a châ. Hmeiseihta ta ei cha chho ei, âhrâ chi hmô kha tie chhâ ta ngiapâna nama hnei khiahta la, he tlâh hnohna heta, ‘He tawhta hao lâ a pasie teh,’ tah u la, â pasie thlâh ha aw. Nama châta tao thei leipa khâpa hmah y aw vei.

MATHAI 6:30

Hy nâmo, ngiapâ chyhpa saih u, râh liata sibiepa tanoh hroh ta, mylâ mei liata thy thlâh ha awpa hmahta Khazohpa ta cha tlatlu ta a tobi khiahta cha, nâmo chhochhi cha, cha tobi via syulyu aw veih ei ma?

MATHAI 8:26

Zisu ta ama hnohta, “Ngiapâna chyhpa saih u, khazia nama chi?” tah ta. Thyu ta thlihzy nata tichatlaopa cha ra ta, sidia ha ta.

MÂKA 1:31

Ano lâ vawh ta, a ku patupa ta pathyu ta, a chasipa cha pai ta, âmo cha chakao ta.

MÂKA 1:41

Zisu cha a thapasa ngaita ta, a ku ta kei paza ta, ano cha hria ta, a hnohta, “Ei khoh na, pathaihpa ta y mah y,” tah ta.

MÂKA 11:23

Hmeiseihta ta ei cha chho ei, ahy rai he tlâh hnohna heta, ‘A pasie la, tilaipi liata a kei thy teh,’ tah sala, a palôh liata a lôh leina hnei leipa ta, a bie reipa cha a vaw tlô aw tahpa â ngiapâ khiahta cha, a châta taopa a châ aw.

MÂKA 16:7

Sie u la, a pachupazy nata Pity hnohta, ‘Nama hnohta a reipa hawhna tlai khata, nama hmia lâta Kâlili lâ a sie hai, cha liata nama hmô aw,’ tahpa ta kei chho teh u,” tah ta.

MÂKA 4:40

Zisu ta ama hnohta, “Khazia nama chi? Ngiapâna hnei to veih ei chi ma?” tah ta.

MÂKA 5:41

Hawtinô ku cha patu ta, a hnohta, “Tâlithâ kumi,” tah ta. Cha yzie cha, “Hawtinô, ei cha chho, thyu teh,” tahna a châ.

LUKA 24:34

Pahrawh hleikhazy chata, “Abeipa cha a thyu ha tlai, Saimaw hnohta â luah haw!” tah ei ta.

HMOTAOPAZY 4:30

Patlâh awpa ta na ku pazawh la, châ chakaotuhpazy he, châ chakaotuhpa pathaihpa Zisu moh ta ngiana nata hmonoâhpazy pataosa lymâ mah y,” tah ei ta.

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.