MATHAI 14:27 - Mara Bible RV (BSI)

²⁷ Zisu ta âmo cha thlai bie a vaw chho ta, ama hnohta, “Thlalôhpa ta y teh u, keima na ei châ, chi khah u,” tah ta.

MATHAI 14:27 ပူးပေါင်းရင်းမြစ်များ

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 41:4

Âthaona tawhta chhâzy ahy ta aw ta, He rai he ahy ta hria ta, Ahy ta ma a patlô tly? Kei, Abeipa he hmiatua chaipa hnohta y na ta, Hnôhchaipa hnohta chhao a ypa ei châ; Keima tlai he na ei châ.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

MATHAI 14:28

Pity ta a hnohta, “Abeipa, nâma na châ khiahta cha, ti chô liata nâma lâ a vy awpa ta bie na pie teh,” tah ta.

MATHAI 17:7

Zisu a vy ta âmo cha hria ta, ama hnohta, “Thyu teh u, chi khuh vy,” tah ta.

MATHAI 28:10

Zisu ta ama hnohta, “Chi khah u. Sie u la, ei unawhzy hnohta Kâlili lâ sie awpa ta kei chho teh u. Cha liata eina hmô aw ei,” tah ta.

MATHAI 28:5

Vâlyuhchâpa chata chanôzy hnohta, “Chi khah u, Zisu ama khaipâpa kha nama tlua tahpa ei pahno.

MATHAI 9:2

Chyhsa thokha ta asypa pakha a rakhô chhaota ano lâ a vaw sy ei ta. Zisu ta amâ ngiapâna a hmô nahta, asypa hnohta, “Ei sawchapawpa, thlalôhpa ta y mah y, na moleinazy a ngiahthaipa a châ haw,” tah ta.

MÂKA 6:50

Ama zydua ta hmô khai ei ta, ama chi ngaita. Zisu ta a pachupazy cha bie thlai a chho ta, ama hnohta, “Thlalôhpa ta y teh u; keima na ei châ. Chi khah u,” tah ta.

LUKA 1:13

Châhrasala vâlyuhchâpa ta a hnohta, “Zekaria, chi khah y, na thlahchhâna kha theipa a châ haw. Na lapinô Elizabe ta sawchapawpa sa aw ta, a moh Zawhâna na bi aw.

LUKA 1:30

Vâlyuhchâpa ta a hnohta, “Mâri, chi khah y, Khazohpa khokheina na to hih.

LUKA 12:32

“Sahlao chyhpa saih u, chi khuh vy. Khinarâh a cha pie awpa ei cha nama Paw alynazie a châ.

LUKA 2:10

Vâlyuhchâpa ta ama hnohta, “Chi khah u la, nathlie teh u, mo to châta thâtihpha lychhih ngaitapa ei cha vaw tlôkheipa ei.

LUKA 5:10

Saimaw pyheih, Zebâdi sawchapawpa Zâmie nata Zawhâna zy chhao ta noâh tah kaw hra ei ta. Zisu ta Saimaw hnohta, “Chi khah y, tahmâ tawhta la chyhsa na patu bâ aw,” tah ta.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

ZAWHÂNA 6:20

Zisu ta ama hnohta, “Keima na ei châ, chi khah u,” tah ta.

HMOTAOPAZY 23:11

A vaw pazipa zâ liata, Abeipa cha Pawla kiapâh liata a vaw duah ta, a hnohta, “Thlalôhpa ta y mah y, Zerusale liata ei thâtih nâ châhkheipa hawhna heta, Rawma liata chhao nâ châhkhei hra awpa a châ,” tah ta.