MATHAI 14:23 - Mara Bible RV (BSI)

²³ Zawpizy liahsa a pasiesa khai tawhta, ano dei ta thlahchhâ awpa ta tlâh lâ kiah ta. Zâlâ taihta Zisu cha ano dei ta cha liata y thlâh ha ta.

MATHAI 14:23 ပူးပေါင်းရင်းမြစ်များ

MATHAI 26:36

Cha khai tawhta Zisu cha a pachupazy chhaota Kesemani ama tahpa su lâ sie ta, ama hnohta, “Hao liata thlah ei kei chhâ chhôh ta, he liata a vaw tyuh chy muh vy,” tah ta.

MATHAI 6:6

Nâ deikua cha thlah na chhâ tita, na chhôhpadâhpa lâ a ngia la, ochhi khaw la, na Paw arulâta a ypa lâta thlahchhâ mah y. Na Paw arulâta a hmôtuhpa ta a cha pie aw.

MÂKA 1:35

Mydi kari khih a pavâ hlâta thyu ta, su dâhthlohpa lâ sie ta, cha liata thlahchhâ ta.

MÂKA 6:46

Âmo a pasiesa khai nahta, thlahchhâ awpa ta tlâh lâ kiah ta.

LUKA 3:21

Chyhsa zydua bâti ama châ khai tawhta, Zisu chhao cha bâti châ hra ta. Thlah a chhâ hai nota, avâ a vaw pahy ta,

LUKA 5:16

Châhrasala Zisu cha su dâhthlohpa liata thlahchhâ awpa ta sie ha ta.

LUKA 6:12

Cha nohzy liata, Zisu cha thlahchhâ awpa ta tlâh lâ khy ta, azozâkhihdei ta Khazohpa lâ thlahchhâ ta.

LUKA 9:18

Zisu cha ano dei ta thlah a chhâ nota, a pachupazy ano lâ a vy ei ta, ama hnohta, “Chyhsazy ta ahy a châ eina tah ei?” tahpa ta hiahri ta.

LUKA 9:28

Cha biezy cha a rei tawhta noh charie a châ nahta, Zisu cha Pity nata Zawhâna nata Zâmie zy a chhi ta, thlahchhâ awpa ta tlâh lâ kiah ta.

HMOTAOPAZY 6:4

Keimo deikua cha thlahchhâna nata bie chho chakaona liata eima daihti eima hmâh aw,” tah ei ta.