MATHAI 14:19 - Mara Bible RV (BSI)

¹⁹ Zawpizy cha sibiepa chô liata a tyuh awpa ta biepie ta, viahchhâ tlâ pangawh nata ngasa miano cha la ta, avâ lâ moh ta, byhnâ aw ta. Chatawhcha viahchhâ cha eichheih ta a pachupazy hnohta pie ta, pachupazy ta zawpizy cha rai ei ta.

MATHAI 14:19 ပူးပေါင်းရင်းမြစ်များ

MATHAI 14:18

Zisu ta, “Cha cha kei lâ vaw cheih teh u,” tah ta.

MÂKA 6:39

Zawpizy cha sibiepa su liata a py py ta patyusa awpa ta a pachupazy cha biepie ta.

MÂKA 6:41

Zisu ta viahchhâ tlâ pangawh nata ngasa miano cha la ta, avâ lâ ua ta, byhnâ aw ta. Viahchhâzy cha eichheih ta, zawpizy rai awpa ta a pachupazy pie ta. Ngasa mianopa cha pachhaih ta ama zydua ta rai ta.

MÂKA 7:34

Avâ lâ moh ta, a hrô ta, a hnohta, “Ephâthâ,” tah ta, cha cha “A pahy teh,” tahna a châ.

LUKA 22:17

Chatawhcha nyu la ta, alyna bie a rei khai nahta, “He nyu he la u la, a rai teh u.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

LUKA 24:30

Pati nie awpa ta ama hnohta tlâhkhai liata a dôh nahta, viahchhâ la ta, byhnâ aw ta, pachhaih ta, ama hnohta pie ta.

LUKA 9:14

Pitlohpa chapaw sai ta sâh pangawh rachhôh y ei ta. Zisu ta a pachupazy hnohta, “A hlao hlao ta, sypangawh lymâ ta patyusa teh u,” tah ta.

LUKA 9:16

Viahchhâ tlâ pangawh nata ngasa miano cha la ta, avâ lâ uapa ta byhnâ aw ta. Viahchhâ cha pachhaih ta, zawpi rai awpa ta pachupazy cha pie ta.

ZAWHÂNA 11:41

Alô cha pasie ei ta. Zisu cha avâ lâ ua ta, “Ei Paw, ei bie na nathliepa vâta alyna bie ei cha hlâ.

ZAWHÂNA 6:23

Abeipa ta alyna bie a rei khai nahta viahchhâ ama niena su kiapâh liana kha Taibiria balyh hropazy vaw tlô ei ta.

HMOTAOPAZY 27:35

Cha bie cha a rei khai nahta, viahchhâ la ta, chyhsa zydua hmiakô liata Khazohpa lâta alyna bie reih ta, pachhaih ta, nie ta.

RAWMA 14:6

Noh a chaypa cha Abeipa palyupalih nawpa ta a chaypa a châ. Ato a niepa chhao, Abeipa palyupalih nawpa ta nie ta, Khazohpa lâta alyna bie a hlâ tyh. Nie a taihpa chhao, Abeipa palyupalih nawpa ta a taih ta, Khazohpa lâ alyna bie a hlâ tyh.

1 KAWRINI 10:16

Byhnâ tona nyu châta byhnâ eima aw tyhpa he, Krista thisaih a hlykheina châ vei mâ? Viahchhâ eima pachhaih tyhpa he, Krista pôhpa a hlykheina châ vei mâ?

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

1 KAWRINI 11:24

alyna bie a rei khai nahta, eichheih ta, “He he ei sapa nama châta piepa a châ. Einâ thei thlâh nawpa ei chi ta, he he tao tyh muh vy,” tah ta.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

1 SAMUELA 9:13

Khihpi namâ ngiapa nahta, su sâhpa liata pati nie awpa ta a khy hlâta, ano cha thlai nama hmô aw. Atheihna châta byhnâ a aw ha tua awpa a byuhpa vâta, ano a tlô hlâlei cha zawpi ta pati nie aw veih ei. Cha khai tawhta hrua eihpazy ama nie tyh. Chavâta khy para u la, thlai nama hmô aw,” tah ei ta.