MATHAI 13:57 - Mara Bible RV (BSI)

⁵⁷ Ano cha chhyh thai leipa ei ta. Zisu ta ama hnohta, “Hrohsopa cha a khih nata a chhôhkha liata tah leipa ta la, palyupalihna hlao leipa ta y beih vei,” tah ta.

MATHAI 13:57 ပူးပေါင်းရင်းမြစ်များ

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ISAI 53:3

Ano cha chyhsazy ta mohnaopa ta dytha ei ta, Pachârôhnazy a hneipa chyhsa châ ta, Pachâchhienazy a pahnopa a châ. Chyhsazy ta ama hmia ama nyusaipa chyhsa hawhta, Mohnaopa ta y ta; Keimo chhao ta, Ano cha pasâhsa hlei hra ma pi.

ISAI 8:14

Ano cha supathaihpa châ aw ta, Izarei phopi mianopazy châta deikua cha, Moleina lô châ aw ta, Achapiana lôpanô a châ aw. Zerusale khihsawzy châta chhao, Aphyh nata khoheih a châ aw.

MATHAI 11:6

Ei chô liata palôhchâ leina a hnei leipa chyhsa cha a nohlao na,” tah ta.

MATHAI 13:58

Amâ ngiapâ leipa vâta, cha liata hmonoâhpa hluhpi tao vei.

MÂKA 6:1

Cha su tawhta pua ta, a khih lâ ngai ta, a pachupazy ta ano cha zi ei ta.

MÂKA 6:14

Zisu cha a moh a pathâh kawpa vâta, Bei Herawda chhao ta a thâtih vaw thei ta. Thokhazy ta, “Bâtituhpa Zawhâna kha athipa hry tawhta thyu heih ta, chavâta he hmonoâhpa tao theina biehneinazy he ano liata a ypa a châ,” tah ei ta.

MÂKA 6:3

He chyhsa he Zâmie, Zôse, Zudâh nata Saimaw zy unawhpa, Mâri sawchapawpa, tho zôthaipa kha châ vei ma? A sietanôzy chhao, he liata eima hnohta y thlâh ha veih ei ma?” tah ei ta. Chavâta a chô liata ama palôh châ leipa ta.

MÂKA 6:4

Zisu ta ama hnohta, “Hrohsopa cha, a khih nata a chiheih nata a chhôhkha liata tah leipa ta la, palyupalihna hlao leipa ta y beih vei,” tah ta.

LUKA 4:24

Chatawhcha Zisu ta, “Hmeiseihta ta ei cha chho ei, hrohsopa ahy hmahta a khih liata pasô veih ei.

LUKA 7:23

Ei chô liata palôhchâ leina a hnei leipa chyhsa cha a nohlao na,” tah ta.

ZAWHÂNA 4:44

Zisu ano tlai ta hrohsopa cha ano khih liata palyupalihpa ta y vei tahpa ta a vaw rei hapa a châ.

ZAWHÂNA 6:42

“He he Zawsi sawchapawpa Zisu kha châ vei mâ? A nô nata a paw eima pahnopa kha châ vei ma? Tahmâ kheihtazieta ma, ‘Vârâh tawhta a zâ chôpa ei châ,’ a tah tly?” tah ei ta.

ZAWHÂNA 6:61

Cha bie kyh liata a pachupazy ama paphôh ngâpa a pahno nahta, Zisu ta ama hnohta, “He kyh liata palôh châ leipa ta nama y ma?