MATHAI 13:44 - Mara Bible RV (BSI)

⁴⁴ “Vârâh khinarâh cha lyu liata ryubyh nyupa chyhsa pakha ta hmô ta, nyu heih ta, a ly ngaitapa ta sie ta, a hneina zydua zuah ta, cha lyu cha a chaleipa hawhta a châ.

MATHAI 13:44 ပူးပေါင်းရင်းမြစ်များ

ZAWBÂ 28:13

Chyhsapa ta a sôna pahno vei, A sôna cha ahrohpazy râh liata y vei.

BIESOZY 16:16

Ngôh hlâta sona hneipa pha via syulyu ta, Tâkâ vyuhpa ta novâhna tlao a tlyh awpa a châ.

BIESOZY 17:16

Ahrupa cha palôh a hnei leipa châ ta, Chavâta sona chalei nawpa ta a ku liata sôh sopa cha, Khâpa ma a phahnai aw?

BIESOZY 18:1

Ano dei ta a y nanopa cha ano khopa sai a tluapa châ ta, Sona dopa zydua a dyuhpa a châ.

BIESOZY 23:23

Biehmeiseihpa chalei la zuah khao leipa la, Sona nata pachuna nata pahnona zy chalei mah y.

ISAI 55:1

“Hy nâmo, dâhphipa zydua saih u, A vy u la, ti yna lâ a vy teh u. Tâkâ a hnei leipazy chhao a vy u la, Chalei u la, nie teh u! A vy u la, kresawhti nata sâhpiti zy cha, Tâkâ byuh leipa ta chalei u la, A mâ leipa ta chalei teh u.

MATHAI 13:24

Ama hnohta pakhona bie hropa reih heih ta, “Vârâh khinarâh cha chyhsa ta a lyu liata chi phapa a hiepa nata pakhopa a châ.

MATHAI 13:46

Taikuh lôsôh ngaitapa miakha a hmô nahta, sie ta a hneipa zydua zuah ta a chaleipa hawhta a châ.

MATHAI 13:47

“Vârâh khinarâh cha tilaipi liata sao paraipa, nga chi to a aopa hawhta a châ.

MATHAI 19:21

Zisu ta a hnohta, “Phapaki na khoh khiahta la, sie la, na hneipa zydua zuah la, dyhchhiepazy hnohta pie teh, chatanachata vârâh liata ryu na hnei aw. Cha khai tawhta a vy la, na zi mah y,” tah ta.

MATHAI 19:27

Pity ta a chhy ta, a hnohta, “Moh teh, keimo he ato siesaipa ta cha zi pi ta, khâpa eima hmô aw?” tah ta.

MATHAI 19:29

Ahy rai ei moh vâta ozy, unawhzy, sietanôzy, paw, nô, sawzy nata râhzy a siesaipa cha, a lie za kha ta hmô aw ei ta, chhâzaw hrona ama to aw.

MATHAI 6:21

Na ryu yna liata na palôh chhao a y aw.

LUKA 14:33

Cha hawhna hra chata nama hry liata chhao, a hneipa zydua a siesai leipa cha ei pachupa châ thei aw vei.

ZAWHÂNA 6:35

Zisu ta ama hnohta, “Kei he hrona viahchhâ ei châ. Ahy rai kei lâ a vypa cha a nodi leipa aw ta, ahy rai nâ ngiapâpa cha a dâh phi beih aw vei.

RAWMA 15:4

Hlâno ta bie ropa zydua kha eimâ chu hra awpa ta ropa a châ. Chatanachata Biehrai bie hawhta tiamana nata thatlôna hneipa ta hnabeiseihna eima hnei thei aw.

KAOLAOSÂ 2:3

Sona nata pahnona hneirôna zydua Krista liata nyupa a châ.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

HEBRAI 10:34

Keihrai daipazy thapasa ei chi ta, hmo hneipa pha viapa, a y kôzaw awpa nama hneipa nama pahnopa vâta, nama hmo hneipazy ama cha hrao tita, a ly kawpa ta namâ pyh thei.

BIEPHUAH 3:18

Na hneirôh thei nawpa ta mei liata pathaisapa ngôh zy, na thluahrua maophyuh chhiepa â lâ lei nawpa ta poh diehpa a bu awpa zy, na hmô thei nawpa ta na mo liata hnia awpa mo pasana thohna zy kei tawhta chalei awpa ta ei cha chhosie.