MATHAI 13:32 - Mara Bible RV (BSI)

³² Âhrâ chi cha chi zydua liata chi chyh chaipa châ ta, châhrasala a vaw laiseih tita cha, chicheipa zydua hlâta lai chai ta, thokô a vaw châ tyh. Chatanachata vâ pavawzy a vy ei ta, a chiahzy liata bu ama tu tyh,” tah ta.

MATHAI 13:32 ပူးပေါင်းရင်းမြစ်များ

HLAZY 104:12

A kiahzy liata vâ pavawzy pahrâ ei ta, Thobuhzy hry liata hla ama sa tyh.

EZEKIA 31:6

Vâ pavaw zydua ta a chiahzy liata ama bu tu ei ta, Sa to ta a chiahzy ry liata taw ama pataw; A nohdi ry liata phopi rônahpa zydua ama pahrâ.

DÂNIAH 4:12

A hnazy a ngia kaw ta, a theizy hluh ta, hro hnei to zydua châta nie awpa ano liata a y. Râhsazy ta a nohdi a chhai ei ta, avâ pavawzy ta a chiahzy liata pahrâ ei ta, sapa zydua ano tawhta pasapa ta ama y.

ZEKARIA 4:10

A nawraih kawpa ta pathao daihti a mohnao kawpazy khata, Zerubâbe ku liata thliena ri ama hmô tita la, amâ ly ngaita aw. Kha mokhaoh miasaripazy kha, alei chô zydua a hmô pahlie khaipa Abeipa mozy ama châ,” tah ta.

MÂKA 4:30

Zisu ta, “Khazohpa khinarâh cha khâpa nata ma eima pakho aw? A châ vei khiah, kheihawhpa pakhona ma eima hmâh aw?

MÂKA 4:32

châhrasala pariepa a châpa nahta, kaw pyuh ta, chichei hropa zydua hlâta lai chai ta, chiah lai ngaitapazy pachiah ta, vâ pavawzy ta a buh nohdi ry liata amâ rie tyh,” tah ta.

LUKA 13:18

Chatawhcha Zisu ta, “Khazohpa khinarâh cha khâpa ma a lyu? Khâpa nata ma ei pakho aw?

HMOTAOPAZY 1:15

Cha nohzy liata, Pity cha unawhzy hry liata a kaw duah ta, ama zydua ta 120 rachhôh ama châ.

HMOTAOPAZY 21:20

Cha bie cha unawhzy ta ama thei nahta, Khazohpa palyupalih ei ta. Pawla hnohta, “Unawh, Zuzy hry liata ngiapâtuhpa ama hluhzie na hmô. Ama zydua ta ryhpa châta phahnai a ngiah ngaitapazy ama châ.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.