MATHAI 13:25 - Mara Bible RV (BSI)

²⁵ A chyhsazy amâ mô chhôh ta, a chariahpa a vy ta, sâh hry liata sâh pakheipa hie ta, sie syulyu ha ta.

MATHAI 13:25 ပူးပေါင်းရင်းမြစ်များ

1 ABEIZY 3:20

Zâcho ta thyu ta, châ chakaotuhnô he ei mô chhôh ta, ei kiapâh liata ei sawcha­pawpa cha la ta, a chachôhna liata paziasa ta, a saw thipa cha keima chachôhna liata a vaw pazia.

MATHAI 13:24

Ama hnohta pakhona bie hropa reih heih ta, “Vârâh khinarâh cha chyhsa ta a lyu liata chi phapa a hiepa nata pakhopa a châ.

MATHAI 13:26

Chizy cha vaw laiseih ta, a suh a vaw tao nahta, sâh pakheipazy chhao cha a vaw lâ hra ei ta.

MATHAI 13:27

Lyu hneituhpa chakaotuhpazy a vy ei ta, a hnohta, ‘Pâpuh, na lyu liata chi phapa ma na hie vei? Kheihtazie ta sâh pakheipazy he a vaw pua thlâh haw?’ tah ei ta.

MATHAI 13:29

Ano ta, ‘Châ vei, sâh pakheipazy nama phiana liata sâhzy nama phia pâ pathlei aw na.

MATHAI 13:30

Sâh hria daihti taih cha y khoh thlâh ha ei sala, sâh hria daihti liata hriatuhpazy hnohta, “Sâh pakheipazy kha pahmaoh tua u la, rao awpa ta a pia ta chahry u la, sâh deikua cha ei sawvâ liata pahmaoh teh u,” ei tah aw,’” tah ta.

MATHAI 13:39

âmo a hietuhpa chariahpa cha ahripa a châ. Sâh hria daihti cha daihti chhâna châ ta, hriatuhpazy cha vâlyuhchâpazy ama châ.

MATHAI 25:5

Myuhneituhpa charâ ta â vy leipa vâta, ama zydua ta tlauahpa ta, a mô ha ei ta.

KALATIA 2:4

Krista Zisu liata khotalaina eima hneipa mohparu awpa ta, unawh pakheipazy arulâta eima hry liata a vaw ngia ei ta, seichâna lâ miah a chhi awpa amâ chhuahpa vâta, chopawtaina kyh he a vaw ypa a châ.

HEBRAI 12:15

Khazohpa ngiachhiena a to leipa ama y lei nawpa ta, pakhâta ta moh u la, palôh chhiepa vaw pua sala, tymâna patlôsapa ta, chyhsa hluhpi papuapaleipa ama châ lei nawpa ta, pakhâta ta moh teh u.

1 PITY 5:8

Palôh pasohpa ta y u la, a hrohrua teh u. Nama khakhaipa ahripa cha chakeibarôhneipa a rôhpa hawhta a rôh ta, a nie thei awpa tluapa ta â khie tyh.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

BIEPHUAH 12:9

Chatawhcha drâkao lai ngaitapa, parih hlôpa, ahripa nata Sâtâ tahpa ta moh bipa, khizaw zydua a dôtuhpa cha za thy pathlah ei ta. Alei lâ za thy ei ta, a vâlyuhchâpazy chhao a hnohta za thy pâ hra ei ta.

BIEPHUAH 13:14

Sahrâhpa hmiatuapa moh ta hmonoâhpa taotheina hmotaotheina piepa a châpa hmâpa ta, alei liata a pahrâpazy dôvei ta, zaozi hmah phaoh ta a hroh heihpa sahrâhpa nothlahpa padua awpa ta a chho ei.

BIEPHUAH 2:20

Châhrasala pasina ei cha hnei, Zezebel ama tahpa, anosasyh ta hrohsonô ta â reihpa chanô na chhyh thaipa vâta. Ano cha sihryh awpa nata nothlahpa atheihna pati nie awpa ta nâ chakaotuhpazy pachu ta, a no leipa lâta a paviasa tyhpa a châ.