MATHAI 13:23 - Mara Bible RV (BSI)

²³ Lei phapa liata chi hiepa deikua cha, bie cha thei ta a pahno thaipa a châ. Thei pathei ta, thokha a lie za kha, thokha a lie sycharu nata thokha a lie sythôh ta a pathei tyh,” tah ta.

MATHAI 13:23 ပူးပေါင်းရင်းမြစ်များ

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

EZEKIA 36:26

Palôh thiehpa cha pie aw ei na ta, nama chhôh liata thlahpa thiehpa ei soh aw. Nama pôhpa tawhta palôh châkarupa la aw na ta, palôh naipa ei cha pie aw ei.

MATHAI 12:33

“Tho phapa cha a thei pha ta, tho chhiepa cha a thei a chhie. Tho cha a thei tawhta pahnopa a châ.

MATHAI 13:8

Chi hropazy cha, alei phapa liata tla ei ta, thokha a lie za kha ta, thokha a lie sycharu ta, thokha a lie sythôh ta thei ama pathei.

MATHAI 3:10

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw.

MATHAI 3:8

Rona moh phaoh tlâhpa ta pathei teh u.

MÂKA 10:15

Hmeiseihta ta ei cha chho ei, Khazohpa khinarâh cha, hawti a lypa hawhta a ly leipa maihta a ngia cheita aw veih ei,” tah ta.

MÂKA 4:20

Lei phapa liata chi hiepazy deikua cha, hezy he ama châ. Bie cha thei ei ta, a pyh ei ta, chi hiepazy cha a lie sythôh, a lie sycharu nata a lie za kha ta ama pathei tyh,” tah ta.

LUKA 13:9

Chatanachata hâhkô a pathei khiahta cha, a phapa châ sala, a pathei vei khiahta deikua cha, thlu thlâh ha lah vâ chi,’ tahpa ta â chhy,” tah ta.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

LUKA 8:8

Thokha lei phapa liata tla ei ta, pyuh ei ta, a lie za kha ta ama pathei,” tah ta. Cha biezy cha a rei khai nahta, awh ta, “Ahy rai thei nawpa nakhaoh a hneipa ta thei mawh sy,” tah ta.

ZAWHÂNA 15:16

Nâmo ta nâ tlyh veih ei chi, kei ta tlao châ tlyh ei na ta, sie ta, thei pathei awpa nata khâ pathei awpa ta ei cha rao ei. Chatanachata ei moh ta Paw lâ nama hiapa maih a cha pie lymâ aw ei.

ZAWHÂNA 8:47

Khazohpa chyhsa cha Khazohpa bie a nathlie. Nâmo deikua cha, Khazohpa chyhsa nama châ leipa vâta, Khazohpa bie nathlie veih ei chi,” tah ta.

HMOTAOPAZY 16:14

Eima bie a theipazy hry liata pakha cha, Thiatirâ zuah Lydia ama tahpa a châ. Ano cha poh nohsaihpa a zuahpa châ ta, Khazohpa a chhytuhpa chanô a châ. Pawla bie reipa a phapa ta pachâ awpa ta Abeipa ta a palôh pahy ta.

HMOTAOPAZY 17:11

Beria mo cha Thysalawnika mo hlâta pha via ei ta, pahâ ngaitapa ta bie cha dao ei ta, ama reipa cha â do nata do lei pasia nawpa ta noh chareih ta Biehrai a chu pasia tyhpa ama châ.

2 KAWRINI 9:10

Chitutuhpa hnohta chi a pietuhpa nata nie awpa châta viahchhâ a pietuhpa ta nama tu awpa chi cha pie aw ei ta, chi cha papôhsa aw ta, nama siana thei hluhpi a patheisa aw.

PHILIPI 1:11

Khazohpa rônah nawpa nata reithai nawpa ta, Zisu Krista zawhzi ta a patheipa siana thei ta pabiepa nama châ aw.

PHILIPI 4:17

Hmopiepa a tluapa châ leipa na ta, nama lymâ a papôh awpa theilâpa a tluapa tlao ei châ.

KAOLAOSÂ 1:10

Chatanachata Abeipa hmâ tlâhpa chyhsa châ aw ei chi ta, kyh to liata ano palôh patlâhpa ta, raihria to liata pathei aw ei chi ta, Khazohpa pahnona liata nama laiseih rili aw.

KAOLAOSÂ 1:6

Thâtihpha nâmo lâ a vaw tlô tawhta, Khazohpa ngiachhiena thâtihpha cha thei ei chi ta, a hmeiseihpa ta nama pahno noh tawhta nama hry liata thei patheipa ta a pôh lymâpa hawhta, thâtihpha cha khizaw zydua liata thei pathei ta a pôh lymâ.

1 THYSALAWNIKA 4:1

Unawh saih u, achhâna liata cha, nama yzie awpa nata Khazohpa nama palysa nawpa kyh liata, keimo tawhta nama daopa, nama tao lymâpa kha tao via lymâ awpa ta Abeipa Zisu moh ta eima châ haw.

2 THYSALAWNIKA 2:10

Leidia haipazy cha pachha châ nawpa biehmeiseihpa khoh leipa ta ama dythapa vâta, ryhpa paraotuhpa cha dôveina pha leipa to chhaota âmo lâ â vy aw.

HEBRAI 4:2

Ama hnohta thâtihpha chhopa a châpa hawhta, keimo hnohta chhao chhopa châ ta, châhrasala bie ama theipa cha ngiapâna ta a pa-i leipa vâta, âmo châta phahnaina hnei vei.

HEBRAI 6:7

Khihti a hmô phapa chhaohlei cha, raihriatuhpazy châta niedo papuapa ta, Khazohpa tawhta byhnâ a daopa a châ.

HEBRAI 8:10

Cha nohzy hnôhlâ ta, Izarei pathlazy hnohta biehrai ei tao awpa cha he he a châ, Abeipa ta a tah: Ama pachânazy liata ei ryhpa biezy soh aw na ta, Ama palôhzy liata ei roh aw; Ama Khazohpa châ aw na ta, Ei phopi ama châ aw.

2 PITY 3:18

Eima Beipa nata Pachhatuhpa Zisu Krista ngiachhiena nata pahnona liata laiseih lymâ teh u. Tahmâ nata chhâzaw ta Abeipa hnohta rônahna y mawh sy. Amen.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.