MATHAI 13:19 - Mara Bible RV (BSI)

¹⁹ Ahy rai khinarâh bie thei ha tlôh ta, a pahno thai vei khiahta cha, moleipa a vy ta, a palôh liata chi hiepa cha a lapa ha tyh. Cha cha lâpi liata chi hiepa cha a châ.

MATHAI 13:19 ပူးပေါင်းရင်းမြစ်များ

BIESOZY 1:7

Abeipa china cha novâhna athaona châ ta, Ahrupazy ta sona nata pachuna ama mohnao tyh.

BIESOZY 17:16

Ahrupa cha palôh a hnei leipa châ ta, Chavâta sona chalei nawpa ta a ku liata sôh sopa cha, Khâpa ma a phahnai aw?

EZEKIA 31:18

“Idâh thokôzy hry liata rônahna nata palyupalihna liata nâ hawhpa he ahy a y tly? Châhrasala Idâh thozy chhaota alei ry lâ thypa châ aw chi ta, zaozi ta thiepa chopawtaileipazy hry liata nâ zia aw. “Cha hawhna chata Phiraoh nata a zawpi zydua cha ama châ aw,” Abeipa Zehôvâh ta a tah.

MATHAI 12:26

Sâtâ ta Sâtâ a papua khiahta cha, ano nata ano â dyuhpa châ ta, kheihta a khinarâh â duah thei aw?

MATHAI 13:20

He he lôphiariapa liata chi hiepa a châ. Bie a theipa nahta, a lypa ta thlai a pyh ta,

MATHAI 13:38

Lyu cha khizaw châ ta, chi phapa cha khinarâh sawzy ama châ. Sâh pakheipazy cha moleipa sawzy châ ei ta,

MATHAI 4:23

Kâlili râh zydua chahryh ta, amâ pakhyna ozy liata pachupa ta, khinarâh thâtihpha chho lymâ ta, zawpi hry liata hri to nata pasana to a hneipazy patlâh ta.

MATHAI 5:37

Na biereipa cha, a châpa khiah ‘A châ’ tah la, a châ leipa khiah, ‘Châ vei’ tah mah y. Cha khô lâ cha moleipa tawhta a vypa a châ.

MÂKA 4:15

Hezy he lâpi liata a tlapa bie chizy ama châ. Bie ama theipa nahta, Sâtâ a vy ta, ama palôh liata bie chi hiepa cha thlai a lapa ha tyh ei.

LUKA 10:9

Cha liata tlâhleipazy patlâh u la, ama hnohta, ‘Khazohpa khinarâh ta a châ hnia ei,’ tah muh vy.

LUKA 9:2

Khazohpa khinarâh bie chho awpa nata tlâhleipazy patlâh awpa ta âmo cha tuah ta.

ZAWHÂNA 18:38

Pilâ ta a hnohta, “Bie hmeiseihpa cha khâpa maw?” tah ta. Cha bie cha Pilâ ta a rei khai nahta, Zuzy lâta pua heih ta, ama hnohta, “Khâpa hmah a moleina hmô va na.

ZAWHÂNA 8:43

Khazia ei biereipa nama pahno thai vei? Ei bie reipa nama pahnie leipa vâta a châ.

HMOTAOPAZY 17:32

Athihpa thyuheihna kyh ama thei nahta, thokha ta pahneisao ei ta, ahropazy ta, “Cha kyh cha nâma tawhta eima nathlie heih aw,” tah ei ta.

HMOTAOPAZY 18:15

Châhrasala biezy, mohzy nata nama ryhpa kyhzy a châpa vâta, nâmo ta pachia thlâh ha teh u. Kei la, cha hawhpa kyh liata pachiatuhpa châ awpa khoh va na,” tah ta.

HMOTAOPAZY 20:25

“Khinarâh bie chhopa ta ei sielâh tyhpa nâmozy hry liana heta, ahy hmahta ei hmia hmô khao aw veih ei chi tahpa ei pahno.

HMOTAOPAZY 28:23

A noh taih ei ta, cha noh liata a tlôna o liata chyhsa hluhpi ta vaw pangai ei ta. My tawhta zâlâ taihta âmo cha chhopasia ta, Khazohpa khinarâh a châhkheipa ta, Mawsi ryhpa nata hrohsopazy châbu liata Zisu kyh reipa ta Zuzy cha pahnie a chhuah ta.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

RAWMA 2:8

Âmo pha nawpa sai tluapa ta, biehmeiseihpa zyh leipa ta, sialeina a zyhtuhpazy chô lia deikua cha, pathiiana nata hiehâhna a y aw.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

2 THYSALAWNIKA 2:12

Chatanachata biehmeiseihpa zo leipa ta, sialeina liata a lypa zydua cha, thailei pachâsapa ama châ khai aw.

HEBRAI 2:1

Chavâta bie eima theipazy kha eima pachâ peimawh pachai awpa a châ. Chataleipatala biezy cha eimâ sysai pathlei aw na.

1 ZAWHÂNA 3:12

Moleipa tawhta a puapa, ano unawhpa a thietuhpa Kainâ hawhna khata eima y awpa châ vei. Khâpa vâta ma a unawhpa kha a thie? A hmotaopazy kha moleina hmo châ ta, a unawhpa hmotaopazy kha a siapa a châpa vâta a châ.

1 ZAWHÂNA 5:18

Khazohpa sapa maihta molei ngâ thlâh ha veih ei tahpa eima pahno. Khazohpa sapa a châna ta ano cha hrôbieh ta, Sâtâ ta hria thei vei.

1 ZAWHÂNA 5:20

A hmeiseihpa cha ahy ma a châ tahpa eima pahno thei nawpa ta, Khazohpa Sawchapawpa cha a vy ta, novâhna miah a pie tahpa eima pahno. Keimo cha a hmeiseihpa, a Sawchapawpa Zisu Krista liata a ypazy eima châ. Ano cha Khazohpa hmeiseihpa châ ta, chhâzaw hrona a châ.