MATHAI 12:7 - Mara Bible RV (BSI)

⁷ ‘Atheihna khoh leipa na ta, zawngiahna ei khoh,’ tahpa he a yzie a pahnopasiapa châ u la cha, thaileina a hnei leipa thailei nama pachâsa lei awpa tlai.

MATHAI 12:7 ပူးပေါင်းရင်းမြစ်များ

ZAWBÂ 32:3

Zawbâ viasa pathôhzy chhao, Zawbâ adoleina phuah tlôh ei ta, achhyna phapa ama hnei hlei leipa vâta, Elihu cha âmo chô liata chhao a pathi a ia ngaita hra.

HLAZY 109:31

Abeipa cha phahlapa chachâh lâta a duah ta, Thi awpa ta thailei a pachâsatuhpazy ku tawhta pachhatuhpa a châ.

HLAZY 94:21

Mosiapa hrona pahlei a chhuahpa ta a paraoh ei ta, Moleina a hnei leipa thisaih cha thailei ama pachâsa tyh.

BIESOZY 17:15

Moleipa thai a pachâsatuhpa cha, Abeipa châta pasichhihpa châ ta; Mosiapa thailei a pachâsatuhpa chhao, Abeipa châta pasichhihpa a châ.

HÔSIA 6:6

Atheihna khoh leipa na ta, Ngiachhiena ei khoh; Raopa hlâna châ leipa ta, Khazohpa pahnona ei khoh.

MATHAI 22:29

Zisu ta âmo cha a chhy ta, “Biehrai nata Khazohpa hmotaotheina nama pahno leipa vâta nama pachâpasipa a châ.

MATHAI 9:13

Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

MÂKA 12:33

Khazohpa cha pathipalôh tlokhuh ta, pahnona tlokhuh ta nata thatlôna tlokhuh ta kyhpachâpa nata sasyh kyh a pachâpa hawhta vaih kyhpachâpa cha, a pôhpa duata rao khaipa raopa hlânazy nata atheihnazy hlâta pha via syulyupa a châ,” tah ta.

HMOTAOPAZY 13:27

Zerusale liata a ypazy nata ama ryureituhpazy ta ano cha pahno leipa ei ta, Pahânoh maihta rei tyhpa hrohsopazy bie chhao ama pahno leipa vâta, ano cha thailei pachâsapa ta, hrohsopazy bie ama patlôsapa a châ.

ZÂMIE 5:6

Chyhsa siapazy thailei pachâsa ei chi ta, châ dyuh leipazy nama thie haw.

ZAWSUA 5:5

Izi râh tawhta a kaw puapa zydua cha chopaw tai chiehpa sai châ ei ta, Izi râh tawhta ama kaw pua tawhta râhchawhpa lâpi liata a pihpazy zydua deikua cha, chopawtai leipazy ama châ.

1 SAMUELA 15:22

Samuela ta, “Abeipa ta, Abeipa ao nathliepa â lypa hawhta, Raopa hlânazy nata atheihnazy he â ly ma? Pachâ teh, atheihna hlâta reingiahna pha via ta, Mietaku tôhpa thaw hlâta bie nathliepa a pha via.