MATHAI 12:45 - Mara Bible RV (BSI)

⁴⁵ Sie ta, thlahpa hropa pasari, ano hlâta molei viapazy a vaw chhi ta, cha liata a ngia ei ta, ama pahrâ haw. Hnôhlâ ta cha chyhsa duahmo cha, hmiatuapa hlâ khata a chhie via syulyu haw. Cha hawhna chata, he chhâ moleipa chhao he a vaw y hra aw,” tah ta.

MATHAI 12:45 ပူးပေါင်းရင်းမြစ်များ

THEIHTHAINA 13:20

Theihthaipa ta moh aw ta, vo hlâta a thu viapa ta a lâpa ta, a hmi a pawh khiahta cha, theihthaipa ta ano cha pathaih leipa ta a phuah aw. Phawhpa hri châ ta, kheihluh liata a vaw puapa a châ.

MATHAI 12:24

Phârisaihzy deikua ta cha thâtih cha ama thei nahta, “He chyhsa heta ahripazy hyutuhpa Belzebu vâta ahripazy a papua theipa a châ hih,” tah ei ta.

MATHAI 12:44

‘Ei vaw puana o lâ kha ei kua heih aw,’ tah ta. A tlô nahta, o cha a ruapa ta, phi chiehpa nata paryh khaipa ta hmô ta.

MATHAI 17:21

Châhrasala he hawhpa he cha, thlahchhâna nata kâhvileipa deita ta papua theipa a châ,” tah ta.

MATHAI 23:15

“Nâmo, Ryhpa pachutuhpa nata Phârisaih phapakheipazy saih u, nama hu a po na! Ngiapâtuhpa pakha tao awpa ta, tilaipi nata tlâh padôpa ta sie ei chi ta, ngiapâtuhpa a vaw châpa nahta, ano cha nâmo topa lie no ta hriena su a to awpa saw ta nama tao tyh.

MATHAI 23:24

Nâmo, chhituhpa mochaopazy saih u, thlohmiazy a thli ei chi ta, râraoseihpa a palâ tyhpa tlao nama châ he!

MÂKA 16:9

Hâta noh hmiatuapa mydi ta a thyuheih nota, a chhôh tawhta ahripa pasari a papuapa Mâri Mâdali hnohta a luah tua chai ta.

MÂKA 5:9

Zisu ta, “Na moh ahy?” tah ta. Ano ta, “Ei moh cha Zahluh a châ, mo hluhpi eima châ,” tah ta.

LUKA 11:26

Sie ta, ano hlâta a chhie viapa ahripa hropa pasari a vaw chhi ta, cha liata a ngia ei ta, ama pahrâ haw. Cha chyhsa châta cha, a daihti hmiatuapa lâta a duahmo hlâ khata a daihti hnôhlâ ta a duahmo cha a chhie via syulyu haw,” tah ta.

EPHESI 6:12

Eimâ piapazy he sapa nata thisaih châ leipa ei ta, abeinazy, biehneinazy, he khizaw zohna chô liata hmotaotheinazy nata avâ suzy liata a ypa thlahpa moleipazy tlao ama châ.

HEBRAI 10:39

Châhrasala keimo la, leidia awpa ta hnôh a sypa sahlao liatapa châ ma pi. Ngiapâna ta hro a pabohsa awpazy tlao eima châ.