MATHAI 12:42 - Mara Bible RV (BSI)

⁴² Chho beinô chhao, pachiana noh liata, he chhâ nata vaw thyu khoh aw ta, he chhâ he thailei a pachâsa aw. Sawlawmaw sona nathlie awpa ta hmah, khizaw chhâna tawhta a vy ta, moh teh u, Sawlawmaw hlâta rônah viapa he liata a y.

MATHAI 12:42 ပူးပေါင်းရင်းမြစ်များ

1 ABEIZY 10:24

Kha­zohpa ta a palôh liata sona a sopa nathlie awpa ta, khizaw zydua ta Sawlawmaw cha ama pangai tyh.

1 ABEIZY 3:12

pachâ teh, na bie hawhta tahmâ ei tao haw. Sona nata novâhna ei cha pie. Nâ hawhpa he, nâ na y hlâta y beih leipa ei ta, nâma khai tawhta chhao, nâ hawhpa he pua khao aw veih ei.

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 ABEIZY 3:9

Chavâta châ chakaotuhpa he, na phopi chô liata ryu ei rei thei nawpa ta sona na pie mah y. Chatanachata a chhiepa nata a phapa ei pahrua thei aw. He tlu ta a hluhpa na phopi chô liana he ahy ma ryu a reih thei aw?” tah ta.

1 ABEIZY 4:29

Khazohpa ta Sawlawmaw cha sona nata novâhna thata pie ta, tilaipi ngiahkâ liata sadi zie hawh tlai ta palôh kawhna a pie.

1 ABEIZY 4:34

Chatanachata Sawlawmaw sona nathlie awpa ta, râh to tawhta chyhsazy a vy ei ta, a sona thâtih a theipa, lei bei zydua chhao ta ama vaw ngai lymâ.

1 ABEIZY 5:12

Abeipa ta bie â taihpa hawh tlai ta, Sawlawmaw cha sona ta tobi ta. Hirâ nata Sawlawmaw cha ama likah liata biehrai tao ei ta, a dyryh ngaitapa ta ama y lymâ.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

MATHAI 12:41

“Pachiana noh liata, Ninivâ mo kha he chhâ nata vaw thyu khoh aw ei ta, he chhâ he thailei ama pachâsa aw. Âmo cha Zawna biechhopa vâta ro ei ta, moh teh u, Zawna hlâta rônah viapa he liata a y.

MATHAI 12:6

Ei cha chho ei, Achhyna o hlâta hmo rônah viapa he liata a y.

MATHAI 17:5

A rei hai no tlai chata, meihdo râhpa ta âmo cha vaw khu ta, meihdo tawhta ao vaw pua ta, “He he ei Sawchapawpa kho ngaitapa, a chô liata ei ly ngaitapa a châ, a bie nathlie teh u,” tah ta.

MATHAI 3:17

Avâ tawhta ao ta, “He he ei Sawchapawpa kyh ei pachâ ngaitapa, a chô liata ei ly ngaitapa a châ,” tah ta.

ZAWHÂNA 1:14

Bie cha chyhsapa lâta a vaw lie ta, eima hry liata a pahrâ. A rônahna, a Paw Sawchapaw matlupa rônahna tlai cha hmô pi ta, ngiachhiena nata hmeiseihna ta a biepa a châ.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

RYHPACHANEINA 30:13

‘A biepiepa cha thei sih la, eima zyh thei nawpa ta, ahy tilaipi khô lâ sie aw ta, miah a lapa aw?’ tah awpa ta, biepiepa cha tilaipi khô lâta a ypa châ hra vei.