MATHAI 12:41 - Mara Bible RV (BSI)

⁴¹ “Pachiana noh liata, Ninivâ mo kha he chhâ nata vaw thyu khoh aw ei ta, he chhâ he thailei ama pachâsa aw. Âmo cha Zawna biechhopa vâta ro ei ta, moh teh u, Zawna hlâta rônah viapa he liata a y.

MATHAI 12:41 ပူးပေါင်းရင်းမြစ်များ

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

ZEREMIAH 3:11

Abeipa ta ei hnohta hetana heta tah heih ta: “Ngiapâ leipa Izarei ta a narônô haiphiahnô Zudâh hlâta tlao a sia vianazie a palâsa.

ZAWNA 1:2

a hnohta, “Thyu la, Ninivâ khihpi, hao khihpi rônahpa lâ hao sie la, bie kei chho mah y, ama paraona ei hmiakô liata a kaw tlô haw,” tah ta.

ZAWNA 3:4

Zawna ta khihpi cha a ngia pathao ta, noh kha lâsie a chahryh tawhta, “Noh sypalih hlâta Ninivâ he pahleipadiapa a châ aw,” tahpa ta awh ta.

MATHAI 12:39

Zisu ta âmo cha a chhy ta, “Chhâ moleipa nata apheipazy ta ngiana ama tlua tyh. Châhrasala hrohsopa Zawna ngiana dei leipa ta cha, ngiana hropa piepa châ aw vei.

MATHAI 12:42

Chho beinô chhao, pachiana noh liata, he chhâ nata vaw thyu khoh aw ta, he chhâ he thailei a pachâsa aw. Sawlawmaw sona nathlie awpa ta hmah, khizaw chhâna tawhta a vy ta, moh teh u, Sawlawmaw hlâta rônah viapa he liata a y.

MATHAI 12:45

Sie ta, thlahpa hropa pasari, ano hlâta molei viapazy a vaw chhi ta, cha liata a ngia ei ta, ama pahrâ haw. Hnôhlâ ta cha chyhsa duahmo cha, hmiatuapa hlâ khata a chhie via syulyu haw. Cha hawhna chata, he chhâ moleipa chhao he a vaw y hra aw,” tah ta.

MATHAI 12:6

Ei cha chho ei, Achhyna o hlâta hmo rônah viapa he liata a y.

MATHAI 16:4

Chhâ moleipa nata apheipazy ta ngiana tlua tyh ei ta, châhrasala Zawna ngiana dei leipa ta cha, ama hnohta ngiana rai piepa châ aw vei,” tah ta. Âmo cha puasai ta, sie syulyu ha ta.

MATHAI 17:17

Zisu ta a chhy ta, ama hnohta, “Hy ngiapâleipa nata chhorupa chhâ saih u, khachâ ma nama hnohta ei y aw? Khachâ ma ei cha pachâ thai aw ei? Kei lâ a vaw chhi teh u,” tah ta.

MATHAI 23:36

Hmeiseihta ta ei cha chho ei, he zydua he, he chhâ chô liata a vaw tlô aw.

LUKA 11:32

Pachiana noh liata, Ninivâ mo kha he chhâ nata vaw thyu khoh aw ei ta, he chhâ he thailei ama pachâsa aw. Âmo cha Zawna biechhopa vâta ro ei ta, moh teh u, Zawna hlâta rônah viapa he liata a y.

ZAWHÂNA 3:31

Chô lâ tawhta a zupa cha chyhsa zydua hlâta chônô chaipa a châ. Alei liata a pihpa cha lei chyhsa châ ta, lei hmozy a reih tyh. Vârâh tawhta a zupa deikua cha, chyhsa zydua hlâta chônô chaipa a châ.

ZAWHÂNA 4:12

Miah pathlatuhpa Zakaw hlâta na rônah via ma? Ano ta he tikhaoh he miah pie ta, ano chhao ta he ti he doh ta, a sawchapawzy nata a sahrohzy chhao ta ama dopa ti a châ,” tah ta.

RAWMA 2:27

Chavâta a pôhpa liata chopawtai leipa, châhrasala ryhpa a zyh pakipa chata, nâ, ryhpa bie ropa ta a hneipa nata chopawtaipa, châhrasala ryhpa a paraotuhpa chi cha, thailei a cha pachâ aw.

HEBRAI 11:7

Ngiapâna ta Nôah cha hmo a lâ leipazy kyh liata Khazohpa zikyurâna cha pachâ peimawh ta, Khazohpa chizapa ta, a chhôhkhazy pachha nawpa ta balyh a tu. Â ngiapâna ta khizaw thailei pachâsa ta, ngiapâna vâta hmôpa siana ryutotuhpa a vaw châ haw.