MATHAI 12:40 - Mara Bible RV (BSI)

⁴⁰ Zawna ta nga laipa py chhôh liata noh thôh nata zâ thôh a ypa hawhta, Chyhsa Sawchapawpa chhao alei chhôh liata noh thôh nata zâ thôh a y aw.

MATHAI 12:40 ပူးပေါင်းရင်းမြစ်များ

2 ABEIZY 14:25

Abeipa, Izarei Khazohpa ta a chakaotuhpa Kahepha khihpa Amitai sawchapawpa hrohsopa Zawna hmâpa ta bie a vaw reipa hawhta, Lebôhamâ tawhta Arabâ Tilaipi taihta Izarei râhri a pakawh heih.

HLAZY 63:9

Ei hrona pahlei a chhuapazy deikua cha, Alei su ry chaipazy lâ ama zu aw.

ZAWNA 1:17

Chatawhcha Abeipa ta Zawna palâ awpa ta nga laipa rao ta. Zawna cha nga py chhôh liata noh thôh nata zâ thôh y ta.

MATHAI 12:8

Chyhsa Sawchapawpa he Pahânoh Beipa châ tlôh ta,” tah ta.

MATHAI 16:21

Cha rakha tawhta cha Zisu ta a pachupazy hnohta Zerusale lâ a khy awpa nata machâzy, theihthai beizy nata ryhpa pachutuhpazy ta pasa thata ama pataosa awpa kyh nata, ama thie awpa nata noh thôh noh ta pathyupa ta a y awpa kyh zy reih pathao ta.

MATHAI 17:23

Thie aw ei ta, noh thôh noh ta pathyupa ta a y aw,” tah ta. Chavâta pachupazy cha ama pachârôh ngaita ta.

MATHAI 27:40

“Nâ, Achhyna o phie ta, noh thôh chhôh ta a paduapathi awpa chi, nâma sasyh ta a pachha châh chi! Khazohpa Sawchapawpa na châ khiahta cha, kraws tawhta za chô châh chi!” tah ei ta.

MATHAI 28:6

Ano cha he liata y khao vei, a reipa hawhta a thyu haw. A vy u la, â ziana su he vaw moh tua u.

MATHAI 8:20

Zisu ta a hnohta, “Changiezy ta khaoh hnei ei ta, vâ pavawzy ta bu ama hnei. Chyhsa Sawchapawpa deikua cha luh nyu nawpa su chhao hnei vei,” tah ta.

ZAWHÂNA 2:19

Zisu ta âmo cha a chhy ta, “He o he phie u la, noh thôh chhôh ta ei padua heih aw,” tah ta.