MATHAI 12:34 - Mara Bible RV (BSI)

³⁴ Vâzi pathlazy saih u, nâmo moleipazy ta kheihta hmo phapa nama reih thei aw? Palôh liata a bie pakhôpa cha pakah ta a reih papua tyh.

MATHAI 12:34 ပူးပေါင်းရင်းမြစ်များ

HLAZY 53:1

Ahrupa ta a palôh liata, “Khazohpa y vei,” a tah tyh. Avyuhna tao ei ta, Moleina pasi chhihpa tao ei ta, Hmo pha a taopa rai y veih ei.

HLAZY 64:3

Chazy chata zaozi hawhta ama paleih chata ei ta, Châtai hawhta bie khapazy ta ama mopâ.

HLAZY 64:5

Hmo moleina tao awpa ta a pasyu raihriepa ta, Arulâta khoheih chô awpa kyh zy reih ei ta, “A hmô theipa y aw veih ei,” ama tah tyh.

BIESOZY 16:23

Asopa palôh ta a pakah pasosa ta, A hmao liata thaina a baichha tyh.

BIESOZY 4:23

Na palôh pakhâta ta vaih mah y, Hrona tihnawh vaw puana châ tlôh ta.

ISAI 32:6

Ahrupa cha hruna bie reih ta, Hmo moleipa tao awpa sai a pachâ tyh. Khazohpa kho leipa hmozy tao ta, Abeipa kyh liata bie doleipa a reih tyh. Nodipazy nie paky ta, Dâhphipazy ti pado vei.

ISAI 59:14

Ngâchhihna cha tlyliah liata a hluah ta, Biedopa â ngia thei leipa vâta, Adona cha hnôh lâ pakuasapa châ ta, Siana chhao lâhlapi liata â duah bâ.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

MATHAI 12:35

Chyhsa phapa ta a ryubyh phapa tawhta hmo phapa papua tyh ta, chyhsa chhiepa ta a ryubyh chhiepa tawhta hmo chhiepa a papua tyh.

MATHAI 15:18

Châhrasala pakah tawhta a puapa cha, pathipalôh tawhta a kaw puapa a châpa vâta, cha tlai chata chyhsa a papuapalei tyh.

MATHAI 23:33

Nâmo, parihzy saih u, nâmo, vâzi pathlazy saih u, hrienasu lâ sie awpa ta pachiana cha kheihta ma nama khôkhâh thei aw?

MATHAI 3:7

Phârisaih nata Saduasi hluhpi ta bâti châ awpa ta ano lâ amâ vypa a hmô nahta, ama hnohta, “Nâmo, vâzi pathlazy saih u! Hiehâhna vaw tlô awpa a râsai awpa ta ahy ma zikyu châ râ ei?

LUKA 3:7

Bâti châ awpa ta ano lâ zawpi a vypazy hnohta Zawhâna ta, “Nâmo, vâzi pathlazy saih u, hiehâhna vaw tlô awpa a râsai awpa ta ahy ma zikyu châ râ ei?

LUKA 6:45

Chyhsa phapa ta a palôh ryubyh phapa tawhta hmo phapa papua tyh ta, chyhsa chhiepa ta a palôh ryubyh chhiepa tawhta hmo chhiepa a papua tyh. Chyhsa ta a palôh liata a bie pakhôpa cha, a pakah ta a papua tyh.

ZAWHÂNA 8:44

Nâmo cha nama paw ahripa tawhta a puapa châ ei chi ta, nama khopa cha, nama paw khopa taopa a châ. Ano cha âthaona tawhta lianycheihpa châ ta, ano liata biehmeiseihpa rai a y leipa vâta, biehmeiseihpa liata a duah vei. Haipa bie a rei nahta, ano châna dopa a palâsa tyh. Ano cha haihthaipa nata haipa bie zydua paw a châ.

EPHESI 4:29

Bie pha leipa rai nama pakah tawhta pua khah sy. Chyhsa taopathi nawpa bie deita, a daihti nata su a hmiepa ta, nama pakah tawhta pua mawh sy. Chatanachata a theituhpazy châta ngiachhiena ama tona a châ aw.

EPHESI 5:4

Bie puapa reipa zy, bie hrupa reipa zy, saiso pathaih leipa bie reipa zy a ngia vei. Chazy taopa hlâta cha alyna bie tlao reih tyh muh vy.

ZÂMIE 3:2

Eima zydua ta kyh hluhpi liata eimâ chapia tyh. Chyhsa ta a biereipa liata â chapia beih vei khiahta cha, cha chyhsa cha chyhsa pakipa châ ta, a pôhpa zydua chhao a vaih theipa a châ.

1 ZAWHÂNA 3:10

He liana heta ahyzy ma Khazohpa sawzy châ ei ta, ahyzy ma ahripa sawzy a châ ei tahpa â hno: Ahy rai siana a hrokhei leipa cha, Khazohpa tawhta a puapa châ vei. A unawhpa kyh a pachâ leipa chhao Khazohpa tawhta a puapa châ vei.

1 SAMUELA 24:13

Hlâno bieso ta, ‘Moleipa tawhta moleina a pua tyh,’ a tahpa hawhta, kei ta la, na chô liata ei ku pathla beih aw va na.