MATHAI 12:10 - Mara Bible RV (BSI)

¹⁰ Chyhsa pakha ku sypa y ta, Zisu ama leih thei nawpa ta a hnohta, “Pahânoh ta chyhsa patlâhpa he Ryhpa ta a pasaih ma?” tahpa ta hiahri ei ta.

MATHAI 12:10 ပူးပေါင်းရင်းမြစ်များ

ISAI 32:6

Ahrupa cha hruna bie reih ta, Hmo moleipa tao awpa sai a pachâ tyh. Khazohpa kho leipa hmozy tao ta, Abeipa kyh liata bie doleipa a reih tyh. Nodipazy nie paky ta, Dâhphipazy ti pado vei.

ISAI 59:13

Hmoparaopa ta Abeipa a paphasai pi ta, Eima Khazohpa eima pazipa eima kuasai tyh; Tlybaina nata adyuhna biezy reih pi ta, Eima palôh ta haipa saw phaoh ta, Chazy cha eima reihpapua tyh.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

ZEKARIA 11:17

“Sahroh zaw a siesaipa Vaituhpa dyutlai leipa cha, A hu a po na! Zaozi ta a bâh chhawh sala, A mo chachâh lâ dy mawh sy! A bâh sy khai sala, A mo chachâh lâ tlokhuh chao mawh sy!” tah ta.

MATHAI 12:2

Phârisaihzy ta ama hmô nahta, a hnohta, “Moh tua, na pachupazy ta Pahânoh ta tao lei awpa hmo ama tao,” tah ei ta.

MATHAI 19:3

Phârisaihzy ano lâ a vy ei ta, ano pasia nawpa ta, “Chapaw ta khâpa kyh rai ta a lapinô ma awpa ryhpa ta a pasaih ma?” tahpa ta hiahri ei ta.

MÂKA 3:2

Ano ama leih thei nawpa ta, Pahânoh ta a patlâh ma tahpa moh thlâh ha ei ta.

LUKA 11:54

A rei chheipa tawhta patu a chhuahpa ta a byh thlâh ha ei ta.

LUKA 13:14

Zisu ta Pahânoh ta chyhsa a patlâhpa vâta, pakhyna o hyutuhpa cha a hiehâh kaw ta, zawpi hnohta, “Chyhsapa raihria nawpa ta noh charu y ta, cha chhôh chata a vy u la, patlâhpa ta y teh u. Pahânoh ta la tao awpa châ vei,” tah ta.

LUKA 20:22

Kaisarâ lâ chhie piepa he eima ryhpa chakhiapa a châ ma, châ vei?” tah ei ta.

LUKA 23:14

ama hnohta, “He chyhsa he, chyhsazy a siekheichhei tahpa ta kei lâ namâ vaw chhipa kha châ ta. Nama hmiakô lia tlai ta a padai na ta, pachâ teh u, nama leihna kyh liana khata, he chyhsa chô liata a thaileichâna khâpa hmah hmô va na.

LUKA 23:2

“He chyhsa heta eima phopi pasiesa chheipa ta, Kaisarâ lâ chhie pie awpa miah pakhâ ta, anosasyh ta Mesia â tahpa nata abeipa â tahpa eima thei,” tahpa ta leih ei ta.

ZAWHÂNA 5:10

Zuzy ta a tlâh hapa hnohta, “Pahânoh a châ hih, na hmohphaw la awpa ta ryhpa ta pasaih vei,” tah ei ta.

ZAWHÂNA 5:3

Chazy liata tlâhleipa hluhpi, mochaopazy, pheisypazy nata asihpazy a zia ei ta. Ti chatlaopa hâ tyh ei ta.

ZAWHÂNA 7:23

Mawsi piepa chopawtaina ryhpa cha parao lei nawpa ta, Pahânoh chhao ta chopawtaipa a châ khiahta cha, Pahânoh ta chyhsa ei patlâhpa vâta, khazia ei chô liata nama pathi a ia?

ZAWHÂNA 8:6

Cha bie cha ano pasia nawpa ta reih ei ta, ano leih nawpa ama hmô thei nawpa ta ama reipa a châ. Zisu cha a bôh ta, a kudy ta alei liata roh ta.

ZAWHÂNA 9:16

Phârisaih thokha ta, “Cha chyhsa cha Pahânoh a chay leipa vâta, Khazohpa tawhtapa châ vei,” tah ei ta. Châhrasala thokha ta, “Moleipa ta kheihta ma cha hawhpa hmonoâhpa cha a tao thei aw?” tah ei ta. Ama hry liata achhaihna vaw y ta.