MATHAI 11:8 - Mara Bible RV (BSI)

⁸ Khâpa mo awpa ta ma nama pua tly? Chysia naipa ta a tobipa chyhsa mo awpa ta ma? Chysia phapa ta a tobipazy cha abei ozy liata mah ama y tâh.

MATHAI 11:8 ပူးပေါင်းရင်းမြစ်များ

2 ABEIZY 1:8

Âmo ta a chhy ei ta, “Sahmi chysia a tobi ta, a chai liata savo chaisaihna â saih,” tah ei ta. Abei ta, “Tisabi chyhsa Elaizâh a châ chuh,” tah ta.

ISAI 20:2

Abeipa ta Amôza sawchapawpa Isai hnohta, “Sie la, na chai liata latho poh nâ saipa kha pathlâ la, na phei liata pheikyzy kha pahluh teh,” tah ta. Cha hawhna chata tao ta, Isai cha thluahruapa nata pheiky a ky leipa ta a hlaihlâ ta.

ZEKARIA 13:4

Cha noh liata cha, hrohsopa ta ano aluahna hmôpa nata ano cheingei ta chhochhieliena bie a reipazy cha zakhei aw ta, hrohsopa sahmi viahkao pasipa chhao, chyhsa dôvei nawpa ta a ky khao aw vei.

MATHAI 11:7

Zawhâna pachupazy ama sie nahta, Zisu ta zawpi hnohta Zawhâna thâtih reih ta: “Khâpa mo awpa ta ma râhchawhpa lâ nama sie? Ziza ta lohthi a chalyupa mo awpa ta ma?

MATHAI 11:9

Cha khiah, khâpa mo awpa ta ma nama pua? Hrohsopa mo awpa ta ma? Ano cha hrohsopa a châ tlai, ei cha chho ei, hrohsopa hlâta rônah viapa a châ.

MATHAI 3:4

Zawhâna cha râraoseihpa hmi chysia ta a tobi ta, savo chaisaihna ta a chai a saih ta, a pati cha khawsu nata kheihti a châ.

LUKA 7:25

Khâpa mo awpa tlai ta ma nama pua? Chysia naipa a tobipa mo awpa ta ma? Moh teh u, chysia rônahpa a tobi ta, lôhrâtlôpa ta a ypazy cha abei ozy liata mah ama y tâh.

1 KAWRINI 4:11

Tahmâ taih chhao heta nodipa ta eima dâhphi ta, chysia miah vao leipa ta, taochhiepa ta y pi ta, o chhao hnei ma pi.

2 KAWRINI 11:27

Riethei rairunazy thata a tyh na ta, a mô leipa ta zâ hluhpi y na ta, nodi dâhphipa ta ei hluhpi y na ta, kâhvileipa ta y tyh na ta, chasipa nata thluahruapa ta ei hluhpi ei y.

RYHPACHANEINA 28:54

Nama hry liata chyhsa nôpha chaipa nata ngiachhiena a hnei chaipa taihta a unawhpa nata a lapinô kho ngaitapa nata a saw a hroh tlakaihpa ngiachhie thei khao aw veih ei.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.