MATHAI 11:7 - Mara Bible RV (BSI)

⁷ Zawhâna pachupazy ama sie nahta, Zisu ta zawpi hnohta Zawhâna thâtih reih ta: “Khâpa mo awpa ta ma râhchawhpa lâ nama sie? Ziza ta lohthi a chalyupa mo awpa ta ma?

MATHAI 11:7 ပူးပေါင်းရင်းမြစ်များ

ÂTHAONA 49:4

Châhrasala ti hawhta a i leipa na châ; Na paw rakhô kiah chi ta, Na papuapaleipa vâta, Chônôchaina to khao aw va chi. Ei rakhô a kiapa kha!

MATHAI 11:8

Khâpa mo awpa ta ma nama pua tly? Chysia naipa ta a tobipa chyhsa mo awpa ta ma? Chysia phapa ta a tobipazy cha abei ozy liata mah ama y tâh.

MATHAI 12:20

Lohthi tliepa-ipa thlie lao leipa aw ta, Meiôh thi daihmâpa pachhai lao aw vei; Ryureina dopa pahniena a patosa hlâlei cha,

MATHAI 21:25

Zawhâna bâtina kha khataih tawhta â vypa ma a châ? Avâ tawhta ma, chyhsapa tawhta maw?” tah ta. A chhohia ei ta, “‘Avâ tawhta,’ tah mawh sih la, ‘Cha khiah, khazia a bie nama zo vei?’ miah tah aw,

MATHAI 3:5

Zerusale nata Zudia râh liata chyhsa zydua nata Zawdâh chavah chheipâh liata chyhsa zydua puapa ta ano lâ a vy ei ta,

LUKA 8:18

Chavâta nama bie theipa liata a chado teh u. A hneipa cha baichhapa châ aw ta, a hnei leipa cha, hneipa hawhta â pachâpa chhao, ano tawhta lapa a châ aw,” tah ta.

ZAWHÂNA 1:38

Zisu cha a kei heih ta, ano ama vaw pazipa a hmô nahta, ama hnohta, “Khâpa nama tlua?” tah ta. Âmo ta, “Râbai, khataih liata na y?” tah ei ta. Râbai cha pachutuhpa tahna a châ.

ZAWHÂNA 5:35

Zawhâna kha meiôh khaihpa nata khaih ngaitapa châ ta, a khaihna ry liata thaphapa ta y chy awpa nama khoh kaw.

EPHESI 4:14

Chatanachata chyhsa so piehpiena nata dôthaina hmotaopa tichatlaopazy ta hao lâ he lâ a chatlaopa nata pachuna ziza to ta a phao pahaipa hawtipa châ khao aw ma pi.

ZÂMIE 1:6

Châhrasala alôhleina hnei leipa ta, ngiapâna ta hiah mawh sy. A lôh leipa chyhsa cha tilaipi chatlaopa hawhta châ ta, thlih ta phao ta, a pathluahpa hawhta a châ.