MATHAI 11:3 - Mara Bible RV (BSI)

³ Zisu hnohta, “A vy awpa cha na châ ma, ahropa eima hâ aw ma?” tahpa ta pahiahrisa ta.

MATHAI 11:3 ပူးပေါင်းရင်းမြစ်များ

ÂTHAONA 12:3

Byhnâ châ awpatuhpa maih byhnâ awpa aw na ta, Chhie châ sapatuhpa maih chhie ei sapa aw; Alei chô liata chi to pho to, Nâma vâta byhnâ topa ta ama y aw,” tah ta.

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

HLAZY 118:26

Abeipa moh ta a vypa cha reithaipa ta y mawh sy! Abeipa o tawhta byhnâ eima cha awpa ei.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

ÔBADIA 1:21

Esaw Tlâh chô liata ryureih awpa ta, Pachhatuhpazy Zaio Tlâh lâ khy aw ei ta, Chatanachata khinarâh cha Abeipa eih a châ aw.”

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

HÂKAI 2:7

Phopi zydua ei chalyu aw ei. Râh to liata ryusôhpazy vaw tlô aw ta, he o he rônahna ta ei pabie aw,’ Pheisaihzy Abeipa ta a tah.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MALAKHAI 3:1

“Moh teh u, ei hmia lâta lâpi a chhuahdy awpa ta, ei lyuhchâpa ei vaw tuah aw. Nama tluapa Abeipa cha ano Achhyna o lâ eikhapi ta â vy aw. Moh teh u, nama tlaichhaipa biehrai lyuhchâpa cha â vy hai,” Pheisaihzy Abeipa ta a tah.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MALUHREINA 24:17

Ano cha hmô na ta, Châhrasala tahmâ châ vei; Moh na ta, Châhrasala a hnia vei; Zakaw tawhta awhsi vaw pua aw ta, Izarei tawhta bei a vaw pua aw. Môabâ râh zydua pahnie aw ta, Sethâ saw zydua a pahleipadia khai aw.

MATHAI 11:10

“‘Moh teh u, ei lyuhchâpa na hmia lâta tuah na ta, Ano ta na hmia lâta na lâpi â chhuahdy aw!’ tahpa ta a thâtih ropa kha, ano he a châ.

MATHAI 11:4

Zisu ta âmo cha a chhy ta, “Sie u la, nama theipa nata hmôpazy he Zawhâna kei chho teh u:

MATHAI 21:5

“Zaio sawchanô hnohta chho teh u, ‘Moh teh, na beipa cha nâ lâta â vy hai; Areisipa châ ta, Alâ kiah ta, Alâ taw kiahpa ta â vy huh,’” tahpa ta a reipa kha a vaw tlô thei nawpa ta a châ.

MATHAI 21:9

A hmia lâta a siepa nata a hnôh lâta a pazipa zawpizy ta, “Dâvi Sawchapawpa hnohta Haozanâ! Abeipa moh ta a vypa cha reithaipa ta y mawh sy! Chônôchaipa liata Haozanâ y mawh sy!” tahpa ta awh ei ta.

MÂKA 11:9

A hmia lâta a siepazy nata a hnôh lâta a pazipazy ta, “Haozanâ! Abeipa moh ta a vypa cha reithaipa ta y mawh sy!

LUKA 19:38

“Abeipa moh ta Bei a vypa cha reithaipa ta y mawh sy! Vârâh liata thlalôhna charei sala, chônôchaipa liana khita rônahna y mawh sy!” tah ei ta.

ZAWHÂNA 11:27

Marthâ ta, “Abeipa, ei ngiapâ na. Mesia, Khazohpa Sawchapawpa, khizaw lâ a vy awpa cha na châ tahpa ei ngiapâ,” tah ta.

ZAWHÂNA 12:13

Thiahrâ kuahzy a cheipa ta ano dy awpa ta pua ei ta, “Haozanâ! Abeipa moh ta Izarei Bei a vypa cha reithaipa ta y mawh sy!” tahpa ta awh ei ta.

ZAWHÂNA 16:14

Kei eih la aw ta, nama hnohta a phuah awpa vâta, ano ta kei eina parônahsa aw.

ZAWHÂNA 4:21

Zisu ta a hnohta, “Chanô, ei bie zo teh. He tlâh cheingei leipa liata chhao, Zerusale khih cheingei leipa liata chhao, Paw namâ chhy nawpa daihti a vaw tlô hai.

ZAWHÂNA 6:14

Zawpizy ta hmonoâhpa a taopa ama hmô nahta, “He chyhsa he khizaw lâ a vy awpa Hrohsopa a châ tlai hih!” tah ei ta.

ZAWHÂNA 7:31

Chatanachôta zawpi hluhpi ta Zisu cha a ngiapâ ei ta, “Mesia cha a vaw tlôpa rai châ sala, he chyhsa taopa hlâta hmonoâhpa hluh via a tao aw ma?” tah ei ta.

HEBRAI 10:37

“Bohpi leipa liata, A vy awpa cha â vy aw, Hawh aw vei.