MATHAI 11:28 - Mara Bible RV (BSI)

²⁸ Nâmo, hriapasapa nata phaohripa zydua saih u, kei lâ a vy u la, ei cha pahâsa aw ei.

MATHAI 11:28 ပူးပေါင်းရင်းမြစ်များ

ZAWBÂ 14:1

“Chanô sapa chyhsa châta la, Noh chyhta dei hnei ta, Cha chhao cha ngiarohna ta a bie.

ZAWBÂ 5:7

Chyhsapa cha a tymâ awpa ta vaw pih ta, Meihlih hawhta chô lâ â zaw syulyu tyh.

HLAZY 116:7

Hy ei thlahpa, nâ pahâna lâ kua heih mah y, Abeipa ta na chô liata a pha ngaitapa ta a tao ha hih.

HLAZY 32:4

Chhô nah zâ ta na ku ta na vi ta, Châhvâ nokâh ta ti a pakuapa hawhta, Ei thatlôna a kua haw. Selah

HLAZY 38:4

Ei paraona ta ei luh na vao ta, Phaohri hawhta thata eina vi.

HLAZY 94:13

Moleipa châta khaohtlô chaopa a châ hlâlei cha, Nôpona nohzy tawhta apahâna eina pie.

BIECHHOTUHPA 1:14

Noh ry liata hmotaopa zydua hmô khai na ta, moh tua u, ato hraoleipa sai châ ei ta, thlih a chadaipa deita a châ:

BIECHHOTUHPA 1:8

Hmo zydua riethei thachhâ chhihpa châ ei ta, Chyhsa ta rei tiah awpa chhao châ vei. Mokhaoh ta a hmo hmôpa liata a lôhrâ tlô leipa ta, Nakao ta a hmo theipa liata a rih bie vei.

BIECHHOTUHPA 4:8

Chyhsa matlupa pakha y ta, sawchapaw tlyma, unawh tlyma hnei leipa ta, ano dei ta a o liata pahrâ ta. Châhrasala a hriapasana chhâ thai khao leipa ta, hneirôna liata a mo lôhrâtlô beih leipa ta, “Ahy châta ma he tlupo ta hriapasa na ta, hro pahâh leina taihta ei hria tly?” tahpa ta anosasyh ta a hiahri beih hra vei. Cha chhao cha hraoleipa deita châ ta, thapawh a chhih leipa raihria a châ.

ISAI 1:4

Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

ISAI 11:10

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

ISAI 28:12

Ama hnohta, “He he apahâna châ ta, Thachhâpazy cha pahâsa teh u; He he tha a padâh nawpa su a châ hih,” tah ta, Châhrasala nathlie khoh veih ei.

ISAI 61:3

Zaio liata mâchhie a sapazy hnohta, Buchâh vyuhpa ta, Khutho pie awpa ta eina tuah; Mâchhiesana vyuhpa ta, Thaphana sa­thaw pie awpa ta tuah ta; Thachhâna thlahpa vyuhpa ta, Reithaina chysia pie awpa ta eina tuah. Abeipa lopa siana ôkâ thozy tahpa ta awpa châ aw ei ta, Abeipa cha palyupalihpa ta a y aw.

ISAI 66:2

He hmo zydua he keima ku ta tao ta, Chatanachata he hmo zydua he a vaw ypa a châ,” Abeipa ta a tah. “A panawhpa ta a palôh liata a ngiapachhi ta, Ei bie liata a chalyupa chyhsa lâta ei mo ei padeih aw,” Abeipa ta a tah.

ZEREMIAH 31:25

Hro thachhâpazy lôhrâ patlô aw ei na ta, hro panaopa maih ama tha ei patlô aw ei.”

ZEREMIAH 35:16

Rekhâ sawchapawpa Zônadâ pathlazy cha âmo pathlatuhpa biepiepa zyh ei ta, he phopi deikua he cha na nathlie veih ei.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

MATHAI 11:29

Ei raopaky a ky u la, kei tawhta a chu teh u. Kei cha areisipa nata palôh nônaipa ei châ. Nama thlahpazy châta apahâna nama hmô aw.

MATHAI 23:4

Phaohri ngaitapa tao ei ta, chyhsa ngiatlâh liata ama pahnieh tyh. Âmo deikua ta cha, ama ku paro ta chhao pasie khoh veih ei.

ZAWHÂNA 6:37

Paw ta eina piepa maih kei lâ amâ vy khai aw. Ahy rai kei lâ a vypa maih cha dytha cheita aw va na.

ZAWHÂNA 7:37

Kyhchhi chhâna noh, noh rônahpa liata, Zisu cha a duah ta, ao paro ngaitapa ta awh ta, “Ahy rai a dâh a phi khiahta cha, kei lâ a vy sala doh mawh sy.

HMOTAOPAZY 15:10

Chavâta khazia ma, miah pathlatuhpazy nata keimo chhao ta eima pahnie leipa raopakypa cha, tahmâ pachupazy rao liata pahniepa ta Khazohpa chakhia namâ chhuah tly?

HMOTAOPAZY 20:35

Abeipa Zisu ta, ‘Pietuhpa châpa cha daotuhpa châpa hlâta byhnâ a y via,’ tahpa bie a reipa kha a thei thlâh hapa ta, cha hawhta hriapasapa ta chiehleipazy eima bao awpa a châzie, kao to ta ei cha pamosa tyh ei,” tah ta.

KALATIA 5:1

Khotalaipa ta y awpa ta Krista ta miah papua ha ta, chavâta â ipa ta a duah u la, sei raopaky a ky heih awpa ta a pasaih khao khuh vy.

2 THYSALAWNIKA 1:7

Eima Beipa Zisu, a vâlyuhchâpa thatlôpazy chhaota meipaleih hry liata â vaw luah tita, keimo hawhta pasa a taopazy a cha pahâsa aw ei.

HEBRAI 4:1

Chavâta â pahâna liata a ngia awpa bietai y thlâh ha tlôhpa ta, nama hry liata a ngia tlâh leipa nama y pathlei lei nawpa ta, chi ei suh u.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.