MATHAI 11:21 - Mara Bible RV (BSI)

²¹ “Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha, Tyre nata Sidaw liata taopa châ sala, latho poh a bupa ta, buchâh a mia aw ei ta, ama ro ha awpa tlai.

MATHAI 11:21 ပူးပေါင်းရင်းမြစ်များ

ZAWBÂ 42:6

Chavâta keimasasyh ta thailei a pachâ na ta, Dohlei nata buchadoh liata a tyuhpa ta ei ro haw,” tah ta.

ZEREMIAH 13:27

Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”

ZÔELA 3:4

“Nâmo, Tyre, Sidaw nata Philistinâ râhzy saih u, ei châta khâpa ma nama châ tly? Ei hmotaopa kheihawhpa vâta ma viari eina thô ei chi tly? Viari eina thô khiah ei chi ta cha, nama viarithôna cha nâmo luh chô lia tlai ta a chatliepa nata a parapa ta ei vaw pakuasa aw.

AMÔSÂ 1:9

Abeipa ta heta na heta a tah: “Tyre moleina miathôh vâta, Âh, miapalih vâ chhao rai ta, Hriena chalihsa aw va na; Phopi pôhpalôhpa Edômâ lâ hlâ ei ta, A unawhna biehrai amâ thei khao leipa vâta.

MATHAI 11:22

Châhrasala ei cha chho ei, ryureina noh liata la nâmo pasa taopa hlâta Tyre nata Sidaw pasa tao awpa a zie a y via aw.

MATHAI 15:21

Cha su tawhta Zisu cha pua ta, Tyre nata Sidaw bia liata a ngia ta.

MATHAI 18:7

“Molei reipasaonazy vâta khizaw he a hu a po kaw dia! Reipasaona cha a y awpa tlai châ ta, châhrasala reipasaona a paysatuhpa cha a hu a po na!

MATHAI 26:24

Chyhsa Sawchapawpa he, a thâtih ropa hawh tlai ta a sie aw. Châhrasala Chyhsa Sawchapawpa a patusatuhpa chyhsa cha a hu a po na! Cha chyhsa cha pih leipa sala, a châta a pha via awpa tlai,” tah ta.

MÂKA 3:8

Zerusale tawhta zy, Idumia râh tawhta zy, Zawdâh khô lâ tawhta zy, Tyre nata Sidaw khih chheipâh tawh zy ta ano cha zi ei ta. Zawpi hluhpi ta a hmotaopa rônahzie ama thei nahta, ano cha pangai lymâ ei ta.

MÂKA 6:45

Zawpizy a pasiesa chhôh ta, a pachupazy cha a hmia lâta, haosâ Besaidâ khih lâ balyh ta thlai pasiesa chhielie ta.

MÂKA 7:24

Cha su tawhta Zisu cha thyu ta, Tyre nata Sidaw biazy chahryh ta. O miakha liata a ngia ta, ahy hmahta ama pahno awpa khoh leipa ta, châhrasala nyu thei awpa châ leipa ta.

MÂKA 7:31

Zisu cha Tyre nata Sidaw râh tawhta pua ta, Dekâpôli râh chapiapa ta Kâlili Tipo kei tlô ta.

MÂKA 8:22

Besaidâ khih tlô ei ta. Mochaopa Zisu lâ a vaw chhi ei ta, hria awpa ta a haw ei ta.

LUKA 4:26

Châhrasala ahy hnohta hmah Elaizâh kha tuapa châ leipa ta, Sidaw râh liata Zarephâ khihpa nôhmei pakha lâ deita tuapa a châ.

LUKA 6:17

Ama hnohta zu ta, a bypa liata a duah ta. A pachupazy ano lâ a vy ei ta. Zudia râh zydua tawhta nata Zerusale khih tawhta nata tilaipi kiah Tyre nata Sidaw khihzy tawhta chyhsa hluhpi ano lâ a vy ei ta.

LUKA 9:10

Amâ vaw lie nahta, lyuhchâpazy ta ama hmotaopa zydua Zisu chho ei ta. Zisu ta âmo cha a chhi ta, Besaidâ khih ama tahpa lâ ânano ta siekhei ta.

ZAWHÂNA 1:44

Phili cha Besaidâ khihpa châ ta, cha cha Adaru nata Pity yna khih a châ.

ZAWHÂNA 12:21

Chazy chata Kâlili râh Besaidâ khihpa Phili lâ a vy ei ta, a hnohta, “Pâpuh, Zisu eima hmô khoh,” tahpa ta a haw ei ta.

HMOTAOPAZY 12:20

Herawda cha Tyre nata Sidaw mo chô liata a hiehâh kaw ta. Tyre mo nata Sidaw mo ta bei chakaotuhpa Blâstâ cha âmo chhâh a châ awpa ta ama viasa ta tao ei ta, reihkha tlapa ta, abei lâ a vy ei ta, aryhna tao awpa ta a haw ei ta. Ama râh cha niedo kyh liata abei râh chô liata a pahniehpa ama châpa vâta, aryhna cha amâ hawpa a châ.

HMOTAOPAZY 27:3

A mylâ ta Sidaw khih tlô pi ta. Zulia ta Pawla cha ngiachhie kaw ta, a viasazy lâ charei ta, a byuhna hawhta ama vaw mohôh awpa pasaih ta.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.

BIEPHUAH 11:3

Chatawhcha bie nâ pahnokheituhpa pano hnohta biepie aw na ta, latho poh a bupa ta, noh 1,260 chhôh bie ama chhochhielie aw,” tah ta.

BIEPHUAH 6:12

Chahnaona miacharuna a pathlâ nahta, kaw moh na ta, alo thata a vaw sih ta. Noh cha latho poh hawhta vaw vyh ta, thlâpâ chhao thisaih hawhta saih khai ha ta.