MATHAI 11:19 - Mara Bible RV (BSI)

¹⁹ Chyhsa Sawchapawpa a vy ta, nie ta, doh ta, ‘Moh tua u, azohpa nata kresawhti parâpa, chhiekheituhpazy nata moleipazy viasa huh!’ tah heih ei ta. Châhrasala sona cha a hmotaopazy tawhta â dozie â lâ tyh,” tah ta.

MATHAI 11:19 ပူးပေါင်းရင်းမြစ်များ

HLAZY 109:20

Cha hawhna chata nâ leihtuhpazy cha Abeipa ta thô sala, Ei chô liata bie chhiepa a reihtuhpazy cha thô mawh sy!

BIESOZY 17:24

Sona cha novâhna a hneipa hmiakô liata y ta, Ahrupa mo deikua cha kaokih liata a y tyh.

BIESOZY 23:21

Sahma paripa nata sa zohpa zy cha dyhchhiena lâ pangai aw ei ta, Tla-uahna ta âmo cha poh chypa a pabu aw ei.

MATHAI 5:46

Kyh châ pachâtuhpazy deita kyh nama pachâ khiahta cha, khâpa lymâ nama hmô aw? Chhiekheituhpazy chhao ta cha hawhpa cha tao thlâh ha veih ei ma?

LUKA 14:1

Pahânoh ta Phârisaihzy hyutuhpa pakha o liata pati nie awpa ta vawh ta, zawpizy ta Zisu cha moh pathli ei ta.

LUKA 19:7

Cha cha ama hmô nahta, ama zydua ta reipasipasua ei ta, “Chyhsa moleipa o liata tlô awpa ta â ngia huh,” tah ei ta.

LUKA 7:29

A bie reipa cha zawpi zydua nata chhiekheituhpazy ta ama thei nahta, Khazohpa hmotaopa siapa liata a ly ngaita ei ta. Âmo cha Zawhâna liata bâti a châ chiehpazy ama châ.

ZAWHÂNA 2:2

Zisu nata a pachupazy chhao ahneina a hlao awpa ta hruapa châ ei ta.

RAWMA 15:2

Eima vaihzy thapatlô sih la, ama pha nawpa taopa ta palysa a chhuah chyu suh u.

BIEPHUAH 7:12

“Amen! Reithaina, rônahna, sona, alyna biereina, palyupalihna, hmotaotheina nata thatlôna zy cha chhâzaw nata tlyzaw ta eima Khazohpa hnohta y mawh sy! Amen,” tahpa ta Khazohpa a chhy ei ta.