MATHAI 11:11 - Mara Bible RV (BSI)

¹¹ Hmeiseihta ta ei cha chho ei, chanô sapazy hry liata Bâtituhpa Zawhâna hlâta rônah viapa pua veih ei. Chatahrasala vârâh khinarâh liata chyhsa nawh chaipa cha ano hlâta a rônah via.

MATHAI 11:11 ပူးပေါင်းရင်းမြစ်များ

ZAWBÂ 14:1

“Chanô sapa chyhsa châta la, Noh chyhta dei hnei ta, Cha chhao cha ngiarohna ta a bie.

ZAWBÂ 14:4

Ahy ma hmo pathaih leipa tawhta hmo pathaihpa a papua thei aw? Pakha hmah y veih ei.

ZAWBÂ 15:14

Chyhsapa cha khâpa châ ta ma, A pathaih thei aw tly? Chanô sapa cha khâpa châ ta ma, A siapaki thei aw tly?

ZAWBÂ 25:4

Kheihta ma chyhsapa cha Khazohpa hmiakô liata a sia thei aw? Kheihta ma chanô sapa chyhsa cha a pathaih thei aw?

HLAZY 51:5

Pachâ teh, paraona liata taopa châ na ta, Ei nô ta moleina liata a phaopa ei châ.

ISAI 30:26

Cha dei châ vei, Abeipa ta a phopi hmahphaopa chahry ta, âmo a tuna hmah a patlâh noh liata, thlâpâ cha noh tlu ta khaih aw ta, noh chhao a lie sari ta khaih aw ta, noh sari chhôh a khaihpa zie a khaih aw.

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

MATHAI 11:10

“‘Moh teh u, ei lyuhchâpa na hmia lâta tuah na ta, Ano ta na hmia lâta na lâpi â chhuahdy aw!’ tahpa ta a thâtih ropa kha, ano he a châ.

MATHAI 11:12

Bâtituhpa Zawhâna daihti tawhta tahmâ taihta vârâh khinarâh cha thachahra ta adyuhna vâta pasa tao lymâ ta, thachahra a hmâhpazy ta tararuahna ta ama la lymâ.

MATHAI 3:1

Cha nohzy liata, Bâtituhpa Zawhâna cha Zudia râhchawhpa liata bie chho awpa ta a vy ta,

MATHAI 3:11

“Kei ta rona châta ti ta cha bâti ei na ta, ei hnôhlâ ta a vy awpa deikua cha, keima hlâta rônah viapa châ ta, kei la a pheiky chaba tlâh chhao châ va na. Ano ta Thlahpa Pathaihpa nata mei ta a cha bâti aw ei.

MATHAI 5:19

Chavâta ahy rai, he biepiepazy hry liata a chyh chaipa miakha chhao pahua ta, cha hawhta tao hra awpa ta mohropazy a pachupa cha, vârâh khinarâh liata a chyh chaipa ta reipa châ aw ta, ahy rai Ryhpa chyh chaipa chhao zyh ta, a pachupazy deikua cha, vârâh khinarâh liata rônahpa ta bipa ama châ aw.

LUKA 1:15

Abeipa hmiakô liata chyhsa rônahpa a châ aw. Kresawhti nata sahma a do awpa châ leipa ta, a nô chhi chhôh tawh tlai ta, Thlahpa Pathaihpa ta a bie aw.

LUKA 7:28

Ei cha chho ei, chanô sapa hry liata Zawhâna hlâta rônah viapa y veih ei. Châhrasala Khazohpa khinarâh liata chyhsa chyh chaipa cha ano hlâta a rônah via,” tah ta.

LUKA 9:48

ama hnohta, “Ahy rai ei moh vâta he hawti a lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ. Nama zydua hry liata a chyh chaipa cha, ano tlai cha a rônah chaipa a châ,” tah ta.

ZAWHÂNA 1:15

Zawhâna cha ano a pahnokheituhpa châ ta, ano kyh liata, “‘Ei hnôhlâ ta a vypa cha, kei ei y hlâta a y hapa châ ta, keima hlâta rônah viapa a châ’, tahpa ta a thâtih ei reipa kha, he chyhsa he a châ,” tah ta.

ZAWHÂNA 1:27

ano cha ei hnôhlâ ta a vypa châ ta, kei la a pheiky ri a pathlâ tlâh chhao châ va na,” tah ta.

ZAWHÂNA 10:41

Chyhsa hluhpi ano lâ a vy ei ta, a hnohta, “Zawhâna khata hmonoâhpa tao leipa ta, châhrasala Zawhâna ta he chyhsa thâtih a reipa zydua deikua cha â do khai,” tah ei ta.

ZAWHÂNA 3:30

Ano cha a rônah via rili awpa châ ta, kei deikua cha a nawh via lymâ awpa ei châ,” tah ta.

ZAWHÂNA 5:35

Zawhâna kha meiôh khaihpa nata khaih ngaitapa châ ta, a khaihna ry liata thaphapa ta y chy awpa nama khoh kaw.

ZAWHÂNA 7:39

Cha biezy cha ngiapâtuhpazy ta Thlahpa ama hnei awpa kyh a reina a châ. Zisu cha parônahsapa ta a y mâh leipa vâta, Thlahpa cha piepa châ mâh veih ei.

1 KAWRINI 15:9

Kei la lyuhchâpazy hry liata chyh chaipa châ na ta, Khazohpa Awnanopa ei taolapa vâta, lyuhchâpa ta bi tlâh chhao châ va na.

1 KAWRINI 6:4

Chavâta hro chhôh khihsatôhtuna kyh liata biepeipa nama hnei tita, khazia Awnanopa chyhsa a châ leipazy nama pachiasa tyh?

EPHESI 2:3

Keimo chhao eikhano cha, reingiah leipazy hry liata eima vaw y hra. Eima sapa aohraohnazy papitlohsapa ta, sapa nata palôh khopazy vaw tao tyh pi ta, chyhsa hropazy hawhta hiehâhna saw ta a vaw pihpa eima châ.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

2 TIMAWTHY 1:10

Cha ngiachhiena cha miah Pachhatuhpa Krista Zisu â vaw luahna liata tahmâ palâsapa ta a y haw. Krista cha thina pahlei ta, thâtihpha vâta hrona nata thi thei leina a vaw tlôkheituhpa a châ.

HEBRAI 11:40

Khazohpa ta keimo châta hmo pha viapa â chhuahdy hapa vâta, âmo nata keimo â raohpa ta pakipa ta y awpa ta â chhuanoh hapa a châ.

1 PITY 1:10

Cha pachhana kyh cha, nama chô liata ngiachhiena a vaw tlô awpa a chhochhielietuhpa hrohsopazy ta pakhâta ta tluapa ta a laichadai ei ta,

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.