MATHAI 10:7 - Mara Bible RV (BSI)

⁷ Nama siena liata, ‘Vârâh khinarâh cha â hnia haw,’ tahpa ta chho lymâ teh u.

MATHAI 10:7 ပူးပေါင်းရင်းမြစ်များ

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

MATHAI 10:8

Tlâhleipazy patlâh u la, athipazy pathyu u la, phawhpazy pathaisa u la, ahripazy papua teh u. A saipa ta hmô ei chi ta, a saipa ta pie teh u.

MATHAI 11:1

Zisu cha a pachupa pahrawh hleinozy bie a pie khai tawhta, ama khihpizy liata pachu awpa nata bie chho awpa ta, cha su tawhta pua ta.

MATHAI 21:31

Cha pano liata ahy ma a paw khopa a tao?” tah ta. Âmo ta, “A hmiatuapa,” tah ei ta. Zisu ta ama hnohta, “Hmeiseihta ta ei cha chho ei, chhiekheituhpazy nata âzuahnôzy ta Khazohpa khinarâh ama châ ngia khâh aw.

MATHAI 21:43

“Chavâta ei cha chho ei, Khazohpa khinarâh cha nâmo tawhta lapa châ aw ta, a pathei awpa phopi hnohta piepa a châ aw.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 3:2

“Ro teh u, vârâh khinarâh cha â hnia haw,” tahpa ta bie chho ta.

MATHAI 4:17

Cha daihti tawhta Zisu ta, “Ro teh u, vârâh khinarâh cha â hnia haw,” tahpa ta pachu pathao ta.

MÂKA 6:12

Chatanachata sie ei ta, ro awpa ta chyhsazy chho laih lymâ ei ta.

LUKA 16:16

“Ryhpa nata hrohsopazy bie cha Zawhâna daihti taihta y ta. Cha rakha tawhta cha Khazohpa khinarâh thâtihpha chhopa châ ta, chyhsa to ta a ngia a chhuahpa ta ama chatôh lymâ.

LUKA 9:2

Khazohpa khinarâh bie chho awpa nata tlâhleipazy patlâh awpa ta âmo cha tuah ta.

LUKA 9:6

Chatanachata sie ei ta, khihzy chahryh ei ta, su to liata thâtihpha chhopa ta tlâhleipazy patlâh lymâ ei ta.

LUKA 9:60

Zisu ta a hnohta, “Athihpazy ta ama chyhsa athipazy cha pabu mawh ei sy. Nâ deikua cha sie la, Khazohpa khinarâh bie pathâhsa mah y,” tah ta.

ZAWHÂNA 3:2

Cha chyhsa cha zâ ta Zisu lâ a vy ta, a hnohta, “Râbai, Khazohpa tawhta pachutuhpa â vypa na châ tahpa eima pahno. Khazohpa a chô liata a y leipa khiahta la, he hmonoâhpa na taopa hawhpazy he ahy hmahta tao thei aw veih ei,” tah ta.

HMOTAOPAZY 10:25

Pity cha o â ngia chy ta, Kawnilia ta vaw dy ta, a phei thaby liata pao ta, a chhy ta.

HMOTAOPAZY 28:31

Riahpha ngaitapa nata pakhâna y leipa ta, Khazohpa khinarâh kyh reih ta, Abeipa Zisu Krista thâtih a pachu lymâ.

HMOTAOPAZY 4:2

Zawpi pachu ei ta, Zisu vâta athihpa hry tawhta thyuheihna kyh ama reipa vâta, ama palôh châ lei ngaita ta.