MATHAI 10:6 - Mara Bible RV (BSI)

⁶ Izarei phopi mietaku a leipazy lâta tlao sie teh u.

MATHAI 10:6 ပူးပေါင်းရင်းမြစ်များ

HLAZY 119:176

Mietaku a leipa hawhta viavi na ta, Châhrasala na biepiepazy ei my leipa vâta, Châ chakaotuhpa he vaw tlua mah y.

ISAI 53:6

Eima zydua ta mietaku hawhta pavia pi ta, Eima lâpi chyu lâta eima tlei; Eima zydua paraona cha, Abeipa ta ano chô liata a pahnieh haw.

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

ZEREMIAH 50:6

“Ei phopi cha mietaku a leipa ama châ. Âmo vaituhpazy ta paviasa ei ta, Tlâhpizy lâta amâ chhi; Tlâhpi tawhta tlâhthlôh lâta viavi laih ei ta, Amâ syna mietaku o ama my haw.

EZEKIA 34:16

Mietaku a leipa tlua aw na ta, a viavipa a vaw chhi pakhuapa ta, hmaphaohpa chahrypa aw na ta, chiehleipa tha ei patlô aw. Athawhpa nata thatlôpazy chhao ei mohôh aw ei. Mietakuzy cha â khopa ta ei pasa aw ei.

EZEKIA 34:4

Mietaku chiehleipazy thapatlô leipa ei chi ta, a pasapazy patlâh hra leipa ei chi ta, hmahphaohpazy chhao chahry veih ei chi. Lâpi a paviapazy a vaw chhi pakhua leipa ei chi ta, aleipazy tlua hra vei ei chi. Nôchhiepa nata chahrâhpa ta ama chô liata ryu tlao nama reih tyh.

EZEKIA 34:6

Tlâhpi to liata viavi ei ta, tlâh sâhpa to liata ama viavi. Ei mietakuzy cha alei chô zydua liata paipatlapa ta y ei ta, a tluatuhpa nata a pachâtuhpa rai y veih ei.

EZEKIA 34:8

Ei hrona reipa ta ei reih, Abeipa Zehôvâh ta a tah. Mietaku­ vaituhpazy y leipa ei ta, ei mietaku vaituhpazy ta ei mietakuzy tlua hra leipa ei ta, mietaku vaituhpazy ta âmo tlao a pasa ei ta, ei mietakuzy ama pasa leipa vâta, ei mietakuzy cha tai awpa dei châ ei ta, sahrâhpazy nie awpa lâta amâ lie haw.

MATHAI 18:10

“He hawtitazy hry liata pakha chhao mopakhô lei awpa ta a sohsi teh u. Vârâh liata ama vâlyuhchâpazy ta ei Paw vârâh liata a ypa hmia khâ ama sai tyh tahpa ei cha chho ei.

MATHAI 18:11

Chyhsa Sawchapawpa cha leidiapazy pachha awpa ta a zupa a châ.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

HMOTAOPAZY 13:46

Pawla nata Bânabâ ta riahpha ngaitapa ta, “Khazohpa bie he nâmo liata rei tua chai awpa tlai châ ta, châhrasala dytha ei chi ta, chhâzaw hrona to tlâh châ lei awpa ta, nâmosasyh ta namâ tao ha hnohkua cha, pachâ teh u, Zenitaizy lâ eimâ heih ha aw.

HMOTAOPAZY 18:6

Châhrasala Zuzy ta a dyuh ei ta, ama reipachhie nahta, Pawla cha a poh chatho ta, ama hnohta, “Nama thisaih maoh cha nâmo luh liata y mawh sy! Kei deikua la, ei pathaih. Tahmâ tawhta la, Zenitaizy lâ ei sie aw,” tah ta.

HMOTAOPAZY 26:20

A hmiatua ta Dâmaskâ mo hnohta phuah na ta, cha khai tawhta Zerusale mo nata Zudia râh to liata chyhsazy hnohta nata Zenitaizy hnoh chhao ta ei phuah lymâ. Ro moh phaoh tlâh châpa ta hmo taopa ta ro ei sala, Khazohpa lâ a heih awpa ta ei chho lymâ ei.

HMOTAOPAZY 3:26

Khazohpa ta a chakaotuhpa cha pathyu ta, nama moleinazy tawhta cha paheisaisa ta, byhnâ cha pie awpa ta, nâmo lâta a vaw tuah tuachaipa a châ,” tah ta.

1 PITY 2:25

Mietakuzy hawhta lâpi pavia ei chi ta, tahmâ deikua cha nama thlahpa Chhituhpa nata Mietaku Vaituhpa lâ nama kua ha hih.