MATHAI 10:41 - Mara Bible RV (BSI)

⁴¹ Ahy rai hrohsopa cha hrohsopa a châpa vâta a lypa cha, hrohsopa lymâ hmô aw ta, chyhsa siapa cha chyhsa siapa a châpa vâta a lypa chhao, chyhsa siapa lymâ a hmô aw.

MATHAI 10:41 ပူးပေါင်းရင်းမြစ်များ

ÂTHAONA 20:7

Chavâta tahmâ chyhsa lapinô kha pie pakhua ha mah y. A vahpa kha hrohsopa châ ta, thlah cha chhâpa aw ta, na hroh aw. Na pie pakhua leipa khiahta deikua cha, nâ nata na hneipa zydua chhaota na thi tlai aw tahpa pahno mah y,” tah ta.

ISAI 3:10

Mosiapazy cha ama châta a pha aw tahpa chho mah y, Ama hmotaopa theilâpa ama nie aw.

MATHAI 16:27

Chyhsa Sawchapawpa cha a Paw rônahna ta a vâlyuhchâpazy chhaota a zu tlôh aw ta, chyhsa to ama hmotaopa hawhta a thô aw ei.

MATHAI 25:44

Âmo ta a chhy aw ei ta, a hnohta, ‘Abeipa, khati ta ma nodipa ta tlyma, dâhphipa ta tlyma, khichhaipa ta tlyma, tlâh leipa ta tlyma, patâhna o liata tlyma cha hmô pi ta, eima cha chakao vei?’ ama tah aw.

MATHAI 25:45

Ano ta a chhy aw ei ta, ama hnohta, ‘Hmeiseihta ta ei cha chho ei, he chyhsa chyh chaipazy hryta pakha chô liata nama tao leipa cha, ei chô liata a tao leipa nama châ,’ a tah aw ei.

MATHAI 6:1

“Chyhsa hmô awpa ta hmo pha a taopa nama châ lei nawpa ta a chado teh u. Chataleipatala nama Paw vârâh liata a ypa tawhta lymâ hmô aw veih ei chi.

MATHAI 6:18

Chatanachata kâhvileipa ta na ypa cha chyhsazy ta pahno leipa aw ei ta, na Paw arulâta a ypa deita ta pahno aw ta, na Paw arulâta châ hmôtuhpa ta lymâ a cha pie aw.

MATHAI 6:4

Chatanachata na hmopiepazy cha arulâta y aw ta, na Paw arulâta châ hmôtuhpa ta lymâ a cha pie aw.

MATHAI 6:6

Nâ deikua cha thlah na chhâ tita, na chhôhpadâhpa lâ a ngia la, ochhi khaw la, na Paw arulâta a ypa lâta thlahchhâ mah y. Na Paw arulâta a hmôtuhpa ta a cha pie aw.

MATHAI 7:8

A hiahpa maihta piepa châ ei ta, a tluapa ta hmô ta, a chakhyhpa cha pahypa a châ.

HMOTAOPAZY 16:15

Ano nata a chhôhkhazy bâti ama châ khai nahta, eima hnohta, “Abeipa châta ngâchhihpa ta eina rao khiah ei chi ta la, ei o lâ a vy u la, vaw tlô teh u,” tahpa ta miah a haw ta. Chatanachata miah thlyu ha ta.

RAWMA 16:23

Ei tlôna paw, Kaiâ, Awnanopa a pakhy tyhna o hneituhpa ta a châ naoh ei. Khihpi sôh avaotuhpa Erastâ nata eima unawhpa Kuatâ ta ama châ naoh.

1 KAWRINI 9:17

Keima khotlyna ta thâtihpha a chhopa ei châ khiahta cha, lymâ ei hnei. Keima khotlyna a châ vei khiah deikua cha, ei hnohta pavaosapa mohôhna rai ei hriapa tlâ a châ.

HEBRAI 6:10

Nama raihria tyhpa nata a moh vâta kyhpachâna palâsapa ta mopathaihpazy nama chakao tyhpa, tahmâ taihta nama taopa he, mopakhô awpa ta Khazohpa cha adoleipa châ vei.

2 ZAWHÂNA 1:8

Nama hria chiehpazy pahlei leipa ta, lymâ â kipa ta nama hmô thei nawpa ta, a hrohrua teh u.