MATHAI 10:37 - Mara Bible RV (BSI)

³⁷ Kei hlâta a paw tlyma, a nô tlyma kyh a pachâ viapa cha, ei chyhsa tlâh châ vei. Kei hlâta a sawchapaw tlyma, a sawchanô tlyma kyh a pachâ viapa chhao, ei chyhsa tlâh châ vei.

MATHAI 10:37 ပူးပေါင်းရင်းမြစ်များ

ÂTHAONA 21:11

A sawchapawpa kyh a châpa vâta, cha bie chata Abarahâ cha a pachâ parôhsa ngaita ta.

ZEKARIA 13:3

Cha khai tawhta chhochhieliena bie a reihpa ama y thlah ha chy khiahta cha, a nô nata a paw, ano a satuhpazy cheingei ta a hnohta, ‘Hroh khao aw va chi, Abeipa moh ta haipa bie na reipa vâta,’ tah aw ei ta, chhochhieliena bie a rei hai no tlai ta ano a satuhpa a nô nata a paw cheingei ta amâ chôsao aw.

MATHAI 22:37

Zisu ta a hnohta, “Abeipa na Khazohpa cha na pathipalôh tlokhuh ta, na thlahpa tlokhuh ta nata na pachâna tlokhuh ta kyh na pachâ awpa a châ.

MATHAI 22:8

Chatawhcha a chakaotuhpazy hnohta, ‘Kialao â mâ haw, hruapazy deikua cha a nie tlâh châ veih ei.

LUKA 14:26

“Ahy rai ei hnohta a vy khohpa cha, a paw, a nô, a lapinô, a sawzy, a unawhzy, a sietanôzy nata ano hrona tlai chhao â hao vei khiahta cha, ei pachupa châ thei aw vei.

LUKA 20:35

Chhâ vaw y awpa a to tlâh awpa ta pachâpazy nata athihpa hry tawhta thyuheihna liata a hlao tlâh awpa ta raopazy deikua la, lapinô pakia khao leipa aw ei ta, vahpa hnei khao aw veih ei.

LUKA 21:36

Cha hmo vaw tlô awpa zydua a khôkhâh tlâhpa nata Chyhsa Sawchapawpa hmiakô liata a duah tlâhpa ta raopa nama châ thei nawpa ta, khâpa no rai ta thlahchhâna chôta riavaihpa ta y teh u,” tah ta.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

RYHPACHANEINA 33:9

Na bie a ngiah ta, Na biehrai a zyhpa vâta, A nô nata a paw kyh liata, ‘Pachâ veih ei na’ tah ta; A unawhzy pahno leipa ta, A sawzy tlai chhao uasa vei.

BIEPHUAH 3:4

Châhrasala Sadisâ liata chyhsa chyhta ama y chy. Âmo cha ama poh a papuapalei leipazy châ ei ta, poh diehpa a bupa ta ei hnohta ama charei aw. Cha hawhta a y thei awpazy tlai ama châ.

1 SAMUELA 2:29

Cha hawhta a châ nota, khazia ma ei pahrâna su châta bie ei piepa atheihna nata hmohlâpazy mohnao ei chi ta, kei hlâta na sawchapawzy palyupalih viapa ta, ei phopi Izarei sawzy hmohlâpa to tawhta a pahâh chaipazy cha nâmo a pathawhna châta nama hmâh?