MATHAI 10:30 - Mara Bible RV (BSI)

³⁰ Nama luh liata sâ zydua chhao reih khaipa a châ.

MATHAI 10:30 ပူးပေါင်းရင်းမြစ်များ

2 SAMUELA 14:11

Chanô ta, “Ei châ haw na, thisaih phuh a latuhpa ta chyhsa thie khao leipa sala, ei sawchapawpa cha pahleipadiapa ta a y lei nawpa ta, abei heta Abeipa na Khazohpa rie a thei mah y,” tah ta. Abei ta, “Abeipa hrona reipa ta ei reih, na sawchapawpa sâbu miakha chhao alei liata tla aw vei,” tah ta.

1 ABEIZY 1:52

Sawlawmaw ta, “Chyhsa ngâchhihpa a châpa a palâsa khiahta cha, a sâbu miakha chhao alei liata tla aw vei. Paraona ano liata hmôpa a châ khiahta deikua cha a thi aw,” tah ta.

LUKA 12:7

Nama luh liata sâ zydua chhao rei khaipa a châ. Chavâta chi khuh vy, boby hluhpi hlâta nama sôh via mâh tâh.

LUKA 21:18

Châhrasala nama luh liata sâbu miakha chhao leidia aw vei.

HMOTAOPAZY 27:34

Chavâta pati nie awpa ta ei châ haw ei. Nama thatlô nawpa a châ. Nama hry liata ahy hmah a luh liata sâbu miakha chhao leidia aw vei,” tah ta.

1 SAMUELA 14:45

Châhrasala zawpizy ta Sawla hnohta, “He pachhana rônah ngaitapa Izarei hry liata a vaw tlôkheituhpa Zawnathâ he a thi aw ma? Châ bao va! Abeipa hrona reipa ta eima reih, a sâbu miakha chhao alei liata a tla awpa châ vei. Tanoh he ano cha Khazohpa a hrialâhpa a châ hih,” tah ei ta. Zawpi ta Zawnathâ cha pachha ha ei ta, thiepa châ khao vei.