MATHAI 10:22 - Mara Bible RV (BSI)

²² Ei moh vâta chyhsa to a haopa ta y aw ei chi ta, achhâna taihta â ipa ta a duahpa cha pachhapa ta a y aw.

MATHAI 10:22 ပူးပေါင်းရင်းမြစ်များ

BIESOZY 29:27

Chyhsa doleipa cha mosiapa châta pasichhihpa châ ta, Chyhsa dopa chhao moleipa châta pasichhihpa a châ hra.

MATHAI 10:39

Ahy rai a hrona a hmôpa ta a hrona pahlei aw ta, keima vâta a hrona a pahleipa ta a hrona a hmô heih aw.

MATHAI 24:13

Achhâna taihta a tao hualuapa cha pachhapa ta a y aw.

MATHAI 24:9

“Riethei tao awpa ta cha patusa aw ei ta, cha thie aw ei ta, ei moh vâta phopi zydua ta ama châ hao aw.

MATHAI 5:11

“Chyhsa ta keima vâta cha reipachhiepa ta nata cha taolapa ta, bie pha leipa to ta â doleipa ta ama cha tei tita, nama nohlao na.

MÂKA 13:13

Chyhsa zydua ta ei moh vâta ama châ hao aw. Châhrasala achhâna taihta a tao hualuapa cha pachhapa ta a y aw.

LUKA 21:17

Ei moh vâta chyhsa zydua ta ama châ hao aw.

LUKA 21:19

Riethei nama tao hualuana ta nama hrona nama pabohsa aw.

LUKA 6:22

“Chyhsa Sawchapawpa vâta, chyhsazy ta châ haopa ta, cha pathluapa ta, cha pasipasawhpa ta, nama moh ama cha pachhie tita, nama nohlao na!

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

ZAWHÂNA 17:14

Na bie ama hnohta pie ha ei na ta, kei khizawpa ei châ leipa hawhna heta, âmo chhao khizawpa ama châ leipa vâta, khizaw ta âmo cha amâ hao.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

HMOTAOPAZY 9:16

Ei moh vâta riethei khatlu ta ma a tao aw tahpa ei pahmôsa aw,” tah ta.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

2 KAWRINI 4:11

Eima pôhpa thi theipa liana heta Zisu hrona â lâ thei nawpa ta, keimo ahrohpazy pi he Zisu vâta thina lâta hlâpa ta khâ eima y.

KALATIA 6:9

Hmo pha tao ai khah ei suh u. Eima diathlâ leipa khiahta la, a daihtita liata a thei eima hria aw.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

HEBRAI 6:11

Hnabeiseihna ipa hnei awpa ta nama tiama tyhpa hawhna khata, achhâna taihta tiama papua lymâ awpa ta eima cha khokhei.

ZÂMIE 1:12

Pasiana liata â ipa ta a duahpa cha a nohlao na. Pasiana a pahnie tita, Khazohpa ta ano kyh a pachâtuhpazy hnohta bie â taihpa hrona lakho a to aw.

1 ZAWHÂNA 3:13

Unawhzy saih u, khizaw ta a châ haopa vâ ei ta nama noâh khah sy.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.

BIEPHUAH 2:26

Pahnietuhpa nata ei hmotaopazy a chhâna taihta a pyhtuhpa cha phopizy chô liata biehneina ei pie aw.

BIEPHUAH 2:3

Tao hualua chi ta, ei moh vâta pasa tao chi ta, châhrasala panao va chi tahpa chhao ei pahno.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.

BIEPHUAH 3:21

Pahniena to na ta, ei Paw hnohta a beidyuchhai liata ei tyupa hawhna heta, pahnietuhpa cha ei beidyuchhai liata ei hnohta ei patyusa aw.