MATHAI 10:21 - Mara Bible RV (BSI)

²¹ Thie awpa ta, unawhpa ta a unawhpa patusa aw ta, paw ta a saw a patusa aw. Sawzy ta nôpawzy a dyuh aw ei ta, ama pathiesa aw.

MATHAI 10:21 ပူးပေါင်းရင်းမြစ်များ

2 SAMUELA 16:11

Dâvi ta Abisai nata bei chakaotuhpa zydua hnohta, “Pachâ teh u, ei sawchapawpa, ei chhôh chhipa cheingei ta thie einâ chhuahpa châ ta, he Benzami chyhsa chhochhi heta cha, thie einâ chhuah pachai aw dia! Kheihta hmahta tah khah u. Chhie cha sa thlâh ha lah vâ. Abeipa ta a pataosapa na a châ aw.

ZAWBÂ 19:19

Ei viasa lôhkhyzy ta na pasi ei ta, Kyh ei pachâpazy ta einâ heihnao ei.

HLAZY 50:20

A tyuh chi ta, na unawhpa reipasipasua chi ta, Na nô sawchapawpa cheingei na reipachhie.

ISAI 19:2

Izi mo a dyuh awpa ta Izi mo lilaw pathyu aw ei na ta, Âmo nata âmo amâ dyuh aw; Pakha nata pakha a dyuh aw ei ta, Opa nata opa amâ dyuh aw; Khihpi nata khihpi a dyuh aw ei ta, Khinarâh nata khinarâh amâ dyuh aw.

ZEKARIA 13:3

Cha khai tawhta chhochhieliena bie a reihpa ama y thlah ha chy khiahta cha, a nô nata a paw, ano a satuhpazy cheingei ta a hnohta, ‘Hroh khao aw va chi, Abeipa moh ta haipa bie na reipa vâta,’ tah aw ei ta, chhochhieliena bie a rei hai no tlai ta ano a satuhpa a nô nata a paw cheingei ta amâ chôsao aw.

MATHAI 24:10

Chavâta chyhsa hluhpi amâ ngiapâna pahlei aw ei ta, âmo nata âmo a patusa aw ei ta, amâ hao raihrie aw.